ઉત્તર પ્રદેશ : ધાર્મિક નગરી કાશીમાં એક ચોંકાવનારો કિસ્સો સામે આવ્યો છે. કાશી હિંદુ યુનિવર્સિટીની સર સુંદરલાલ હોસ્પિટલમાં 14 દિવસની એક બાળકી 'ગર્ભવતી' મળી આવી છે. તેના પેટમાંથી ત્રણ ભ્રૂણ મળી આવ્યા છે. આ જોઈને ડોક્ટરો પણ આશ્ચર્યચકિત થઈ ગયા હતા. તપાસમાં જે બાબત સામે આવી તે વધુ ચોંકાવનારી છે. વાસ્તવમાં, તેના પેટમાંથી નીકળેલો ભ્રૂણ તેના અન્ય ભાઈ-બહેનો જેવો છે, જે તેની માતાના ગર્ભમાંથી તેના પેટમાં ટ્રાન્સફર થયા હતા.
વારાણસીમાં 14 દિવસની બાળકી બની 'ગર્ભવતી' : ડૉક્ટરોનું કહેવું છે કે બાળકના પેટમાં આ પ્રકારનો ગર્ભ મળવો એ ફેટસ ફીટુ નામની બીમારીનું લક્ષણ છે, જે 5 લાખમાંથી એક બાળકમાં જોવા મળે છે. બાળકની માતાના પેટમાં ઉછરી રહેલા અન્ય ભ્રૂણનો સંપૂર્ણ વિકાસ ન થવાને કારણે બાળકના પેટમાં ટ્રાન્સફર થાય છે. તાજેતરના કિસ્સામાં પણ, બાળકના પેટમાંથી નીકળેલા ત્રણ ભ્રૂણ માતાના ગર્ભાશયમાં ઉછરી રહેલા અન્ય બાળકોના છે, જે સંપૂર્ણ રીતે વિકસિત થયા વિના ટ્રાન્સફર કરવામાં આવ્યા હતા.
કેવી રીતે ખબર પડી કે બાળકના પેટમાં ગર્ભ છે : 14 દિવસના બાળકે પેટમાં સોજો અને શ્વાસ લેવામાં તકલીફની ફરિયાદ થઈ હતી. આ પછી બાળકને BHU હોસ્પિટલમાં દાખલ કરવામાં આવ્યું હતું. જ્યાં અલ્ટ્રાસાઉન્ડ તપાસમાં બાળકના પેટમાં ત્રણ ભ્રૂણ હોવાનું બહાર આવ્યું હતું.જે બાદ ડોક્ટરોએ સીટી સ્કેન કરીને આ વાતની પુષ્ટિ કરી હતી.
આ પણ વાંચો : Gyanvapi Shringar Gauri case : જ્ઞાનવાપી શ્રૃંગાર ગૌરી કેસમાં ફરી એકવાર ન થઈ સુનાવણી, જાણો શું હતું કારણ
તબીબોની ટીમ દ્વારા ત્રણ કલાકની કરી સર્જરી : બાળકમાં ગર્ભ હોવાની પુષ્ટિ થયા બાદ ડો.રુચિરાના નેતૃત્વમાં 6 તબીબોની ટીમે ત્રણ કલાકમાં સર્જરી કરી હતી. સર્જરી બાદ ડૉ. રૂચિરાએ જણાવ્યું હતું કે, માતાના ગર્ભમાંથી બાળકના પેટમાં એમ્બ્રોયો ટ્રાન્સફર કરવામાં આવ્યા હતા. ટ્રિપલ ગર્ભના કારણે બાળકની મૂળ પિત્ત નળી અને આંતરડા અવરોધાયા હતા. જેના કારણે બાળકને કમળો થયો હતો. જેના કારણે તેમને શ્વાસ લેવામાં તકલીફ થઈ રહી હતી અને પેટમાં સોજો આવી ગયો હતો. હાલમાં ઓપરેશન કરવામાં આવ્યું છે અને બાળક હવે ખતરાથી બહાર છે, પરંતુ હવે બાળકને ડોક્ટરોની દેખરેખ હેઠળ રાખવામાં આવ્યું છે.
આ પણ વાંચો : Bihar News: મુઝફ્ફરપુરમાં VIP ક્વોટા દ્વારા રેલ્વે ટિકિટ કન્ફર્મ કરાવવાના ખેલનો પર્દાફાશ
પાંચ લાખમાંથી એક બાળકને આવી સમસ્યા થાય છે : ડૉ. રૂચિરાએ જણાવ્યું હતું કે, આ ખૂબ જ જટિલ રોગ છે. આવી સમસ્યા પાંચ લાખમાંથી એક બાળકમાં જોવા મળે છે. જેમાં ઓપરેશનનો ખર્ચ લાખોમાં આવે છે, પરંતુ BHUની સર સુંદરલાલ હોસ્પિટલમાં બાળકની મફત સારવાર કરવામાં આવી છે.
