નવી દિલ્હી : સુપ્રીમ કોર્ટે બાબરી મસ્જિદ ધ્વંસ સંબંધિત તમામ અવમાનનાની કાર્યવાહી બંધ કરવાનો નિર્ણય લીધો (Babri Masjid demolition case 1992) છે. સુપ્રીમ કોર્ટે 1992માં બાબરી મસ્જિદના ધ્વંસને લઈને રાજ્યના અધિકારીઓ અને અન્યો વિરુદ્ધ લાંબા સમયથી પડતર તિરસ્કારનો કેસ બંધ કરી દીધો છે. અત્રે એ ઉલ્લેખ કરવો જરૂરી છે કે, અવમાનનાની કાર્યવાહીનો આ એ જ મામલો છે, જેમાં યુપીના દિવંગત પૂર્વ મુખ્યપ્રધાન કલ્યાણ સિંહને એક દિવસની સજા સંભળાવવામાં આવી હતી. Supreme Court closes all proceedings Babri case
કાર્યવાહીને બંધ કરવાનો ચુકાદો : બાબરી મસ્જિદના ઢાંચાને તોડી પાડવા અંગેની તિરસ્કારની કાર્યવાહીને બંધ કરવાનો ચુકાદો આપતાં સુપ્રીમ કોર્ટે કહ્યું હતું કે, તિરસ્કારની અરજી અગાઉ સૂચિબદ્ધ થવી જોઈતી હતી, પરંતુ 9 નવેમ્બર 2019ના સુપ્રીમ કોર્ટના ચુકાદા બાદ હિંદુઓ અને મુસ્લિમો વચ્ચે અયોધ્યા જમીન વિવાદનો નિર્ણય લેવામાં આવ્યો હતો. આ મુદ્દો ક્યાંય સામે રહેતો નથી, તેથી તિરસ્કારની કાર્યવાહી બંધ છે.
આ પણ વાંચો : JNUSU Protest For Babri Masjid : અયોધ્યામાં બાબરી મસ્જિદના પુનઃનિર્માણ માટે JNUSUની માંગ
કલ્યાણ સિંહે એક દિવસની સજા : જસ્ટિસ સંજય કિશન કૌલની આગેવાની હેઠળની સર્વોચ્ચ અદાલતની ત્રણ જજોની બેન્ચે આ મામલામાં પડદો પાડતા કહ્યું કે, હવે આ મામલામાં કંઈ બચ્યું નથી. આ ખાસ તિરસ્કારના કેસમાં ભાજપના દિવંગત નેતા અને રાજ્યના પૂર્વ મુખ્યપ્રધાન કલ્યાણ સિંહે એક દિવસની સજા ભોગવી હતી. તમને જણાવી દઈએ કે, 6 ડિસેમ્બર 1992ના રોજ કાર સેવકોએ બાબરી મસ્જિદને તોડી પાડી હતી. આ પછી તરત જ કલ્યાણ સિંહે યુપીના સીએમ પદ પરથી રાજીનામું આપી દીધું હતું. બીજા દિવસે એટલે કે 7 ડિસેમ્બર, 1992ના રોજ કેન્દ્રની નરસિમ્હા રાવ સરકારે યુપીની સરકારને બરખાસ્ત કરી દીધી હતી.
બાબરી ધ્વંસ ભગવાનની ઈચ્છા : બાબરી ધ્વંસ અંગે કલ્યાણ સિંહે 8 ડિસેમ્બરે કહ્યું હતું કે, બાબરી મસ્જિદ તોડી દેવી એ ભગવાનની ઈચ્છા હતી, મને તેનો અફસોસ નથી, કોઈ દુ:ખ નથી. આ સરકાર રામ મંદિરના નામે બની અને તેનો હેતુ પૂરો થયો હતો. આવી સ્થિતિમાં સરકારે રામ મંદિરના નામે બલિદાન આપ્યું હતું. શું રામમંદિર માટે સત્તાઓને ઠોકર મારી શકાય? કેન્દ્ર ગમે ત્યારે મારી ધરપકડ કરી શકે છે, કારણ કે મેં મારી પાર્ટીના મોટા ઉદ્દેશ્યની સેવા કરી છે.
કલ્યાણ સિંહને એક દિવસ માટે જેલ: કલ્યાણ સિંહે સુપ્રીમ કોર્ટમાં એફિડેવિટ આપી હતી અને મસ્જિદને નુકસાન નહીં પહોંચાડવાની ખાતરી આપી હતી, પરંતુ તેમ છતાં મસ્જિદ તોડી પાડવામાં આવી હતી. મોહમ્મદ અસલમ નામના વ્યક્તિએ કલ્યાણ સિંહ વિરુદ્ધ સુપ્રીમ કોર્ટમાં અરજી દાખલ કરી હતી. કલ્યાણ સિંહ પર તિરસ્કારનો કેસ ચલાવવામાં આવ્યો હતો અને કોર્ટે તેના નિર્ણયમાં કહ્યું હતું કે, કલ્યાણ સિંહે કોર્ટની અવમાનના કરી છે અને દેશના બિનસાંપ્રદાયિક માળખાને અસર કરી છે. તેથી, તેને એક દિવસ માટે ટોકન તરીકે જેલમાં મોકલવો જોઈએ. આ સાથે તેના પર 20 હજાર રૂપિયાનો દંડ પણ ફટકારવામાં આવ્યો છે. કોર્ટના આ નિર્ણય બાદ કલ્યાણ સિંહને એક દિવસ માટે દિલ્હીની તિહાર જેલમાં મોકલી દેવામાં આવ્યા હતા.નથી.
આ પણ વાંચો : બાબરી વિધ્વંસ કેસના ચૂકાદા પર ઓવૈસીએ આપી પ્રતિક્રિયા, કહ્યું ,શું જાદુથી મસ્જિદ તોડી પાડી હતી?
બાબરી મસ્જિદ ધ્વંસ (1992) : અયોધ્યામાં વિવાદિત બાબરી મસ્જિદને 6 ડિસેમ્બર 1992ના રોજ તોડી પાડવામાં આવી હતી. 16મી સદીમાં અયોધ્યામાં બનેલી મસ્જિદને કાર સેવકોએ તોડી પાડી હતી. આ મામલામાં ફૈઝાબાદમાં બે એફઆઈઆર નોંધવામાં આવી હતી. ભાજપના નેતા લાલકૃષ્ણ અડવાણી, ઉમા ભારતી સહિત લાખો કાર સેવકો સામે કેસ નોંધવામાં આવ્યો છે. જેના કારણે સમગ્ર દેશમાં તણાવ ફેલાઈ ગયો હતો. દેશભરમાં રમખાણોમાં બે હજારથી વધુ લોકોના મોત થયા હતા.
