નવી દિલ્હીઃ દિલ્હીમાં સેન્ટ્રલ રિઝર્વ પોલીસ ફોર્સ (CRPF)ના આસિસ્ટન્ટ સબ ઈન્સ્પેક્ટર (ASI)એ પોતાને ગોળી મારીને આત્મહત્યા કરી લીધી છે. સીઆરપીએફના આ એએસઆઈ તુગલક રોડ વિસ્તારમાં ઈન્ટેલિજન્સ બ્યુરોના ડિરેક્ટરના ઘરે સુરક્ષા હેઠળ તૈનાત હતા.
પોલીસ પાસેથી પ્રાપ્ત માહિતી અનુસાર, CRPFમાં તૈનાત 53 વર્ષીય ASI રાજબીર મધ્યપ્રદેશના રહેવાસી હતા. તેઓ છેલ્લા ઘણા દિવસોથી રજા પર હતા. તેઓ ગયા શુક્રવારે જ ફરજ પર પરત ફર્યા હતા. તેમની પોસ્ટિંગ ઈન્ટેલિજન્સ બ્યુરોના ડિરેક્ટરના બંગલામાં હતી, પરંતુ શુક્રવારે સાંજે લગભગ 4:15 વાગ્યે રાજબીરે પોતાને ગોળી મારીને આત્મહત્યા કરી લીધી હતી. મૃતક પાસેથી કોઈ સુસાઈડ નોટ મળી નથી. પ્રાથમિક તપાસ મુજબ, રાજબીર કુમારે કથિત રીતે પોતાની સર્વિસ રિવોલ્વરમાંથી બે રાઉન્ડ ગોળી મારી હતી.
Navsari Crime Video : જન્મદિવસની કેક તલવાર વડે કાપી, યુવાન સામે કાયદેસરના પગલાં લેવાયાં
CrPCની કલમ 174 હેઠળ તપાસ: પોલીસે મૃતદેહને પોસ્ટમોર્ટમ માટે મોકલીને વધુ તપાસ હાથ ધરી છે, તેમજ પીડિતાના પરિવારને પણ જાણ કરવામાં આવી છે. આ મામલે CrPCની કલમ 174 હેઠળ તપાસ શરૂ કરવામાં આવી છે. પોલીસ આ કેસમાં ફરજ પરના અન્ય જવાનોની પૂછપરછ કરીને આપઘાતનું કારણ શું હતું તે જાણવાનો પ્રયાસ કરી રહી છે. આ સાથે પરિવારજનો પાસેથી એવી માહિતી પણ લેવામાં આવી રહી છે કે શું કોઈ ઘરેલું કારણસર આપઘાત કર્યો છે? એક વરિષ્ઠ પોલીસ અધિકારીના જણાવ્યા અનુસાર, થોડા સમય પહેલા ઈન્ટેલિજન્સ બ્યુરોના ડાયરેક્ટરના ઘરે એક ગાર્ડ પોસ્ટ મૂકવામાં આવી હતી. તેમણે કહ્યું કે પોસ્ટમોર્ટમ બાદ તેમનો મૃતદેહ પરિવારજનોને સોંપવામાં આવશે.
Assam child marriage crackdown: આસામમાં 2,170ની ધરપકડ, POCSO હેઠળ કેસ દાખલ
પંખા સાથે લટકીને આત્મહત્યા: ગયા વર્ષે, દિલ્હી પોલીસના એક સબ-ઇન્સ્પેક્ટર (SI) એ દિલ્હીના પશ્ચિમ જિલ્લાના પંજાબી બાગ વિસ્તારમાં પોતાના ઘરના પંખા સાથે લટકીને આત્મહત્યા કરી હતી. પશ્ચિમ જિલ્લાના ડીસીપી ઘનશ્યામ બંસલે જણાવ્યું કે મૃતકનું નામ બેની પીએ હતું. તે પંજાબી બાગ પોલીસ કોલોનીમાં પરિવાર સાથે રહેતો હતો. તેમની પોસ્ટિંગ આઉટર જિલ્લાની HCR શાખામાં હતી.
