বঙাইগাঁৱত সাধুবাবাৰ ৰূপত সোপাধৰা : ৰাইজৰ হাতত আটক দুজন

বঙাইগাঁৱত ওলাইছে সাধুবাবাৰ ৰূপত সোপাধৰা । বঙাইগাঁৱৰ অভয়াপুৰী আৰক্ষীৰ চকীৰ অন্তৰ্গত ডুমেৰগুড়ি আৰু টোপ গাঁৱৰ ৰাইজে আটক কৰিলে দুজনকৈ ছদ্মৱেশী সোপাধৰাক ৷ ঘটনা অনুসৰি, সোপাধৰা দুজনে ডুমেৰগুড়ি গাৱঁৰ পৰা কনমানি ল’ৰা এজনক অপহৰণ কৰাৰ চেষ্টা কৰে ৷ শিশুটিক ঘৰৰ সন্মুখৰ পৰা ডুমেৰগুড়িৰ মজিবৰ নামৰ এজন লোকে সাধুবাবা ৰূপত থকা সোপাধৰা পাঠশালাৰ নবাব নামৰ লোকজনৰ ওচৰলৈ যোৱাৰ পিছতে ৰাইজে আটক কৰে দুয়োজনক (Two kidnappers arrested in Bangaigaon) ৷ তাৰ পিছতে অভয়াপুৰী মহকুমা আৰক্ষী বিষয়া নিতুমনি দাসৰ নেতৃত্বত এটা আৰক্ষীৰ দল ঘটনাস্থলীত উপস্থিত হৈ সোপাধৰা দুজনক আটক কৰি লৈ যায় ৷