শিলচৰৰ কালাইন ৰোডৰ বৰাক নদীৰ খহনীয়াঃ চিন্তিত স্থানীয় ৰাইজ

শিলচৰৰ কালাইন ৰোডৰ বৰাক নদীৰ খহনীয়াই চিন্তিত কৰি তুলিছে অঞ্চলটোৰ ৰাইজক ৷ ইতিমধ্যে খহনীয়া ৰোধৰ বাবে চৰকাৰে 10 কোটি টকা ব্যয় কৰিছে যদিও প্ৰকৃতাৰ্থত কাৰ্যত ৰূপায়িত হোৱা নাই খহনীয়া ৰোধৰ কাম ৷ যাৰ বাবে এতিয়া স্থানীয় ৰাইজে গঠন কৰিছে এখন তদাৰকী কমিটি ৷ শুকুৰবাৰে কাছাৰ জিলা বিজেপিৰ সাধাৰণ সম্পাদক কণাদ পুৰকায়স্থই উক্ত স্থান পৰিদৰ্শন কৰি কয় যে, কংগ্ৰেছ চৰকাৰৰ তুলনাত বিজেপি চৰকাৰে তীব্ৰতাৰে খহনীয়া ৰোধৰ কাম কৰি আছে ৷ অতি শীঘ্ৰে তেখেতে ৰাইজৰ এই সমস্যা সমাধান হ’ব বুলি আশ্বাস প্ৰদানত কৰে ৷