Opium Seized at Dokmoka : ডকমকাত বৃহৎ পৰিমাণৰ অপিয়ামসহ আটক সৰবৰাহকাৰী
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Nov 2, 2023, 10:45 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/02-11-2023/640-480-19927111-thumbnail-16x9-diphu.jpg)
ডিফু, 2 নৱেম্বৰ : কাৰ্বি আংলং জিলাৰ ডকমকাত আৰক্ষীয়ে বৃহস্পতিবাৰে বৃহৎ পৰিমাণৰ অপিয়াম (আফিং)জব্দ কৰিবলৈ সক্ষম হয় ৷ জিলা অতিৰিক্ত আৰক্ষী অধীক্ষক (সদৰ)কংকন কুমাৰ নাথে সংবাদমাধ্যমৰ আগত প্ৰকাশ কৰা তথ্য অনুসৰি নিয়মীয়া তালাচীত ডিমাপুৰৰ দিশৰ পৰা আহি থকা এনএল-০১-এএফ-০৮৮২ নম্বৰৰ ট্ৰাকখনত গোপন কক্ষত লুকুৱাই অনা অৱস্থাত 54 পেকেট অপিয়াম উদ্ধাৰ হয় ৷
জব্দ হোৱা অপিয়ামখিনিৰ ওজন 51 কিলোগ্ৰাম বুলি জানিবলৈ দিয়ে আৰক্ষী বিষয়াগৰাকীয়ে ৷ ঘটনা সন্দৰ্ভত আৰক্ষীয়ে গাড়ীখনৰ চালক সঞ্জীৱ ছেত্ৰী আৰু হেণ্ডিমেন মনু ছেত্ৰীক আটক কৰি সোধাপোছা অব্যাহত ৰখা বুলি অতিৰিক্ত আৰক্ষী অধীক্ষকগৰাকীয়ে জানিবলৈ দিয়ে ৷ আন্তঃৰাষ্ট্ৰীয় বজাৰত ইয়াৰ মূল্য কেইবা কোটি টকা হ'ব বুলি জানিব পৰা গৈছে ৷
লগতে পঢ়ক : Upper Dihing Forest: আপাৰ দিহিং বনাঞ্চলত বন বিভাগে চলাইছে নেকি বন ধ্বংস