কৰ’নাৰ ভয়াৱহতা মাৰ নৌ যাওতেই পুনৰবাৰ ক’ভিড-১৯ৰ নতুন ভেৰিয়েণ্টে মানুহৰ মাজত উদ্বেগ যথেষ্ট বৃদ্ধি কৰিছে ৷ পূৰ্বৰ ভেৰিয়েন্টতকৈ এই ভেৰিয়েন্ট অধিক সংক্ৰামক হ’ব পাৰে বুলি অনুমান কৰা হৈছে ৷ শেহতীয়াকৈ কেৰালাত ক’ভিডৰ নতুন ভেৰিয়েন্ট JN.1 ষ্ট্ৰেইনৰ কৰ’না ভাইৰাছ পোৱা গৈছে ৷
ভাৰতৰ কেৰালাত কভিড-১৯ৰ নতুন ভেৰিয়েন্ট JN.1ৰ ৰোগী ক্ৰমাগতভাৱে বৃদ্ধি পাইছে ৷ ভাৰতৰ লগতে চীন আৰু আমেৰিকাতো এই ভেৰিয়েন্টৰ সংক্ৰমণ বৃদ্ধি পোৱা দেখা গৈছে ৷ কেৰালাত বৰ্তমান Covid-19ৰ সক্ৰিয় ৰোগীৰ সংখ্যা ১,৩২৪ জন ৷ এই ভেৰিয়েন্ট ৭৮ বছৰীয়া এগৰাকী মহিলাৰ আৰ টি-পি চি আৰ পজিটিভ নমুনাত পোৱা গৈছে ৷
এই মহিলাগৰাকীৰ ইনফ্লুৱেঞ্জা সদৃশ ৰোগ (আই এল আই)ৰ মৃদু লক্ষণ দেখা গৈছিল ৷ যদিও এতিয়া তেওঁ সুস্থ হৈ উঠিছে ৷ এই ভেৰিয়েন্টে বিশ্বজুৰি সংক্ৰমণৰ সংখ্যা আৰু বৃদ্ধিৰ কাৰণ হৈ পৰিছে আৰু স্বাস্থ্য বিষয়াসকলৰ মাজত এলাৰ্ম বেল হিচাপে আত্মপ্ৰকাশ কৰিছে ৷ ছিংগাপুৰত এসপ্তাহৰ ভিতৰত ৫৬ হাজাৰ নতুনকৈ ক’ভিড-১৯ত আক্ৰান্ত ঘটনা পোহৰলৈ আহিছে ৷
বিশ্ব স্বাস্থ্য সংস্থাই কয় যে, এই ভাইৰাছবিধৰ বিকাশ আৰু অহৰহ পৰিৱৰ্তিত হৈ আছে ৷ কেন্দ্ৰীয় স্বাস্থ্য মন্ত্ৰণালয়ৰ তথ্য অনুসৰি দেওবাৰে ভাৰতত ৩৩৫ জন নতুন Covid ৰোগী পঞ্জীয়ন হয়, তাৰ পিছত সক্ৰিয় ৰোগীৰ সংখ্যা ১,৭০১ লৈ বৃদ্ধি পাইছে ৷ ইফালে, কেৰালাতো Coronaৰ নতুন subvariant JN.1 ধৰা পৰিছে ৷ Covidৰ লগতে ইনফ্লুৱেঞ্জা আৰু অন্যান্য ভাইৰাছৰ লগতে বেক্টেৰিয়াক লৈ উদ্বেগ প্ৰকাশ কৰিছে WHO-এ ৷
নতুন ভেৰিয়েন্ট সৃষ্টি কৰিছে উদ্বেগ-
Covid JN.1 ৰ নতুন ভেৰিয়েণ্টে ইতিমধ্যে জনসাধাৰণৰ উদ্বেগ যথেষ্ট বৃদ্ধি কৰিছে ৷ ক্ৰমাৎ সমগ্ৰ বিশ্বতে বৃদ্ধি পাইছে JN.1 Covid-19 ভেৰিয়েন্টৰ ৰোগী ৷
স্বাস্থ্য বিশেষজ্ঞসকলৰ মতে, এই ৰোগীসকলৰ অধিকাংশই ক্লিনিকেলভাৱে মৃদু আৰু কোনো চিকিৎসা নকৰাকৈয়ে ৰোগীসকল ঘৰতে সুস্থ হৈ উঠিছে৷ ই পিৰোলা সংস্কৰণৰ (BA.2.86) বংশৰ ৷ চলিত বৰ্ষৰ ছেপ্টেম্বৰ মাহত আমেৰিকাত ইয়াৰ প্ৰথমগৰাকী ৰোগী ধৰা পৰিছিল ৷ ৰোগ নিয়ন্ত্ৰণ আৰু প্ৰতিৰোধ কেন্দ্ৰ (চিডিচি)ৰ মতে, ক’ৰ’নাৰ এই subvariantটো অ’মাইক্ৰন উপবিকল্পিত BA.2.86ৰ বংশধৰ ৷ ইয়াক ‘পিৰোলা’ বুলিও কোৱা হয় ৷
বিজ্ঞানীসকলৰ মতে JN.1 আৰু BA.2.86 ৰ মাজত বিশেষ পাৰ্থক্য নাই ৷ এইবোৰত কেৱল স্পাইক প্ৰ’টিনতহে পৰিৱৰ্তন ঘটে ৷ স্পাইক প্ৰ’টিন যাক স্পাইক বুলিও কোৱা হয় ৷ ভাইৰাছৰ উপৰিভাগত সৰু সৰু কাঁইটৰ দৰে দেখা যায় ৷ এই কাৰণে মানুহৰ মাজত ভাইৰাছৰ সংক্ৰমণ অধিক দ্ৰুতগতিত সংঘটিত হয় ৷
নতুন ভেৰিয়েন্টৰ বৈশিষ্ট্য-
- উচ্চ শ্বাস-প্ৰশ্বাসতন্ত্ৰত সমস্যা
- মৃদু জ্বৰ
- কাহ
- নাক বন্ধ হোৱা
- ডিঙিৰ খৰখৰনি
- পানীলগা
- মূৰৰ বিষ
- পেট বিচলিত
- ডায়েৰিয়া
কেনেকৈ পৰিহাৰ কৰিব-
এই ভেৰিয়েন্টতৰ ক্ষেত্ৰটো ভেকচিন উপযোগী হ’ব পাৰে, মাত্ৰ মনত ৰাখিব যে ভাইৰাছৰ স্পাইক প্ৰ’টিনক লক্ষ্য কৰি লোৱা ভেকচিনবোৰেও JN.1 আৰু BA.2.86ৰ বিৰুদ্ধে ফলপ্ৰসূ বুলি প্ৰমাণিত হ’ব লাগে ৷
- বাহিৰলৈ ওলোৱাৰ আগতে মাস্ক পিন্ধিব
- ছেনিটাইজাৰ ব্যৱহাৰ কৰক
- মাজে মাজে হাত ধুব লাগে
