শীতকালত শুকান বতাহৰ ফলত আমাৰ ছাল শুকান হৈ পৰে ৷ এই দিনকেইটাত তুলনামূলকভাৱে অধিকাংশ লোকেই কম পানী খায়, যাৰ ফলত মুখমণ্ডলৰ সৌন্দৰ্য কমি যায় ৷ আপুনি যিমানেই মইশ্ব’ৰাইজাৰ ব্যৱহাৰ নকৰক কিয়, ছালৰ উজ্জ্বলতা ঘূৰি নাহে ৷ ইয়াৰ কাৰণ হৈছে যে মইশ্ব’ৰাইজাৰত কৃত্ৰিম উপাদান থাকে, যিয়ে ছালক গভীৰভাৱে পুষ্টি প্ৰদান নকৰে ৷ শীতকালত মুখৰ উজ্জ্বলতা বৰ্তি থাকিবলৈ আপুনি মুখত আপেল প্ৰয়োগ কৰিব পাৰে ৷ সৌন্দৰ্য বৃদ্ধিত আপেল কিদৰে ব্যৱহাৰ কৰিব লাগে, আজি জানো আহক-
ৰুক্ষ ছালৰ গৰাকীয়ে এইদৰে ব্যৱহাৰ কৰক আপেলৰ মাস্ক
এই মাস্ক তৈয়াৰ কৰিবলৈ লাগতিয়াল সামগ্ৰীসমূহ-
- গাখীৰ
- আপেল
- ওটমিল পাউডাৰ
কিদৰে প্ৰস্তুত কৰিব
- প্ৰথমতে আপেলটো ভলদৰে পিছি ল’ব ৷
- তাৰ পাছত ইয়াত গাখীৰ আৰু ওটমিল পাউডাৰ ভালদৰে মিহলি কৰিব ৷
- এতিয়া এই মাস্কটো ২০ মিনিটৰ বাবে মুখত প্ৰয়োগ কৰিব ৷
- নিৰ্দিষ্ট সময়ৰ পাছত চাফা পানীৰে মুখখন ধুই পেলাব ৷
নিমজ ছাল পাবৰ বাবে ব্যৱহাৰ কৰিব এই ফেচ মাস্ক
এই মাস্ক তৈয়াৰ কৰিবলৈ লাগতিয়াল সামগ্ৰীসমূহ-
- আপেল
- মৌ
- ডালচেনি
কিদৰে প্ৰস্তুত কৰিব
- এটা আপেল ভালদৰে পিছিল লৈ এটা বাতিত উলিয়াই ল’ব ৷
- ইয়াৰ পাছত বাতিটোত ২ চামুচ মৌ আৰু আধা চামুচ ডালচেনি পাউডাৰ মিহলি কৰি এটা পেষ্ট তৈয়াৰ কৰি লব ৷
- ইয়াৰ পিছত এই পেষ্টটো মুখ, ডিঙি আৰু হাতত লগাব ৷
- ১৫ মিনিটৰ বাবে এনেদৰে ৰাখি কুহুমীয়া পানীৰে ভালদৰে ধুই পেলাব ৷
- ছালখন ভিতৰৰ পৰা পৰিস্কাৰ কৰিবৰ বাবেও আপুনি আপেলৰ ফেচ মাস্ক লগাব পাৰে ৷
এই মাস্ক তৈয়াৰ কৰিবলৈ লাগতিয়াল সামগ্ৰীসমূহ-
- আপেল
- দৈ
- নেমুৰ ৰস
কিদৰে প্ৰস্তুত কৰিব
- আপেলটো মিস্কাৰত ভলদৰে পিছি ল’ব ৷
- এতিয়া ইয়াত এক চামুচ দৈ আৰু এক চামুচ নেমুৰ ৰস ভালদৰে মিহলি কৰিব ৷
- এই ফেচ মাস্কটো মুখৰ সৈতে ডিঙিতো প্ৰয়োগ কৰিব ৷
- প্ৰায় ১৫-২০ মিনিটৰ বাবে এনেদৰে ৰাখি পৰিস্কাৰ পানীৰে মুখখন ধুই পেলাব ৷
লগতে পঢ়ক: শৰীৰ কপাই যোৱা এই ঠাণ্ডাৰ বতৰত চাহ নে কফি ? কোনবিধ শৰীৰৰ বাবে উত্তম
