নিউজ ডেস্ক, 16 মাৰ্চ : গুৱাহাটীৰ পাচত এইবাৰ ওদালগুৰিত আৰক্ষীৰ এনকাউণ্টাৰ (Encounter in Udalguri)৷ আৰক্ষীৰ গুলীত নিহত শিশু ধৰ্ষণৰ অভিযুক্ত ৷ আৰক্ষীৰ জিম্মাৰ পৰা পলায়নৰ চেষ্টা কৰোঁতেই গুলী চলাই আৰক্ষীয়ে ৷ আঠ বছৰীয়া শিশুক ধৰ্ষণৰ গোচৰত অভিযুক্ত আছিল ৰাজেশ মুণ্ডা নামৰ লোকজন ৷ মঙলবাৰে নিশা প্ৰায় 1 মান বজাত লালপানী আৰু মাজবাট আৰক্ষীৰ এনকাউন্টাৰত নিহত হয় ধৰ্ষণ অভিযুক্ত ৰাজেশ মুণ্ডা (Child rape accused killed in encounter)।
যোৱা 10 মাৰ্চত লালপানীত ধৰ্ষণ আৰু হত্যাৰ বলি হৈছিল এটি শিশু (Minor rape murder in Udalguri) ৷ 11 মাৰ্চত ধনশ্ৰী বাগিছাৰ মাজৰ এখন শ্মশানত উদ্ধাৰ হৈছিল শিশুটিৰ মৃতদেহ ৷ ঘটনাৰ পিছতে আত্মগোপন অৱস্থাত আছিল ৰাজেশ মুণ্ডাই ৷ মঙলবাৰে চাংসাৰিৰ এটা লোহা ফেক্টৰীৰ পৰা লালপানী আৰক্ষীয়ে ধৰি আনিছিল ৰাজেশ মুণ্ডাক ৷ নিশা ঘটনা স্থলীলৈ নি থাকোতে আৰক্ষীৰ গাড়ীৰ পৰাই জঁপিয়াই পলায়নৰ চেষ্টা চলাওতে আৰক্ষীৰ এন্টাকাউন্টাৰত নিহত হয় ৰাজেশৰ ৷
উল্লেখ্য যে, 24 ঘন্টাৰ ভিতৰত ৰাজ্যত দুটাকৈ এনকাউন্টাৰৰ ঘটনা সংঘটিত হৈছে ৷ মঙলবাৰে নিশা গুৱাহাটীত আৰক্ষীৰ জালৰ পৰা পলায়নৰ চেষ্টা চলাইছিল গাড়ীগাঁও দলবদ্ধ ধৰ্ষণ কাণ্ডৰ মূল অভিযুক্ত বিকি আলীয়ে (Biki Ali dies in police encounter)৷ আৰক্ষীয়ে পলাবলৈ চেষ্টা কৰা বিকিলৈ লক্ষ্য কৰি গুলীচালনা কৰে ৷ চাৰি জাঁইকৈ গুলী চলাই আৰক্ষীয়ে ৷ এই এনকাউন্টাৰত নিহত হয় বিকি আলীৰ ৷
লগতে পঢ়ক : এনকাউণ্টাৰত মৃত্যু গাড়ীগাঁও দলবদ্ধ ধৰ্ষণ কাণ্ডৰ মূল অভিযুক্ত বিকি আলীৰ
