তেজপুৰ, 6 এপ্ৰিল: অসমৰ চুবুৰীয়া ৰাজ্য মণিপুৰৰ তামেংলং জিলাৰ এখন ভিতৰুৱা গাঁৱৰ কাহিনী এয়া ৷ এগৰাকী 11 বছৰীয়া কিশোৰীয়ে নিজ ভাতৃক কোলাত লৈ শিক্ষাগ্ৰহণ কৰা দৃশ্য সম্প্ৰতি ভাইৰেল(Viral Photo of Maningsiliu Pamei) হৈ পৰিছে ছ’চিয়েল মিডিয়াত ৷ তামেংলঙৰ এখন চৰকাৰী বিদ্যালয়ত শিক্ষাগ্ৰহণ কৰি থকা কিশোৰীগৰাকীৰ এই বিশেষ ফটোখন ৰাজ্যখনৰ এগৰাকী মন্ত্ৰীয়ে পোনতে টুইটাৰত কৰিছিল আপলোড (Manipur Girl attending classes with her younger sibling on lap) ৷
পৰৱৰ্তী সময়ত দ্ৰুতগতিত ফটোখন ছ’চিয়েল মিডিয়াত ভাইৰেল হৈ পৰাত ৰাজ্যখনৰ বহুকেইটা ছাত্ৰ সংগঠন আগবাঢ়ি আহে ছাত্ৰীগৰাকীক সহায়ৰ উদ্দেশ্যে ৷ দাইলং গাঁৱৰ বাসিন্দা কিশোৰীগৰাকীৰ পিতৃ-মাতৃ পেচাত কৃষক হোৱাৰ বাবে সদায় যায় খেতিপথাৰলৈ ৷ যাৰ বাবে কণমানি ভাতৃক কোলাত লৈয়ে শিক্ষাগ্ৰহণ কৰিবলগীয়া হয় মানিং চিলিউ পামেই নামৰ কিশোৰীগৰাকীয়ে ৷ সম্প্ৰতি দাইলং গাঁৱৰ স্বায়ত্ব শাসিত জিলা পৰিষদ পৰিচালিত দৈলং প্ৰাথমিক বিদ্যালয়ৰ(Dailong primary school) প্ৰথম শ্ৰেণীৰ ছাত্ৰী এই কিশোৰীগৰাকী ৷
পিতৃ-মাতৃৰ উপৰিও চাৰিগৰাকী ভাতৃ-ভগ্নীৰ ভিতৰত জ্যেষ্ঠ হৈছে মানিং ৷ মানিঙৰ এনে দায়িত্ববোধৰ শলাগ লৈছে প্ৰতিগৰাকী লোকে ৷ তদুপৰি এই ফটো ভাইৰেল হৈ পৰাৰ পিছত ৰাজ্যখনৰ মুখ্যমন্ত্ৰী এন বীৰেন সিঙে কিশোৰীগৰাকীৰ ঘৰলৈ চাইল্ডলাইনৰ অধীনস্থ এটা সেৱা দলক প্ৰেৰণ কৰে ৷
যিয়ে শিশু সুৰক্ষা আঁচনিৰ অধীনত কিশোৰীগৰাকীক সহায় কৰাৰ লগতে অত্যাৱশ্যকীয় সামগ্ৰী যোগান ধৰি পৰিয়ালটোক কিছু সকাহ প্ৰদান কৰে ৷ মানিঙে স্নাতক ডিগ্ৰী লাভ নকৰা পৰ্যন্ত শিক্ষা সন্দৰ্ভত সকলো প্ৰকাৰৰ ব্যয় বহন কৰাৰ প্ৰতিশ্ৰুতি প্ৰদান কৰিছে মুখ্যমন্ত্ৰী এন বিৰেন সিঙৰ মন্ত্ৰীসভাৰ অন্যতম সদস্য টি এইচ বিশ্বজিৎ সিঙে ৷
আনহাতে, মণিপুৰৰ ৰংমেই নাগা ছাত্ৰ সংগঠন চমুকৈ RNSOM এ(Rongmei Naga students organisation Manipur latest news) কিশোৰীগৰাকীৰ বাসগৃহত উপস্থিত হৈ 10,000 টকাৰ এককালীন আৰ্থিক সাহায্য প্ৰদান কৰে ৷ কিশোৰীগৰাকীৰ শিক্ষাগ্ৰহণৰ প্ৰতি থকা হেঁপাহৰ লগতে এই বয়সতে দায়িত্ববোধৰ যি নিদৰ্শন দাঙি ধৰিছে, তাক লৈ এতিয়া সৰ্বত্ৰে চৰ্চা অব্যাহত আছে ৷
লগতে চাওক: ভূতৰ বাবেও আছে মেলা...
