আমগুৰি, 7 আগষ্টঃ আমগুৰিত মহিলা সমিতিৰ উদ্যোগত উদ্ধাৰ কৰা হ’ল দুটি কিশোৰক ৷ আমগুৰি আৰক্ষী থানাৰ অন্তৰ্গত ঘোৰাচ'ৰা গাঁৱত দৰিদ্ৰ পৰিয়ালৰ কিশোৰ দুজনৰ প্ৰতিপালনত অসমৰ্থ হৈছিল পিতৃ ৷ কোনোমতে দিন হাজিৰা কৰি পৰিয়াল পোহপাল দিয়া পিতৃয়ে সন্তানৰ পঢ়াৰ দায়িত্ব ল’ব নোৱাৰাৰ বাবে পঞ্চম আৰু চতুৰ্থ শ্ৰেণীতে শিক্ষা সাং কৰিবলগীয়া হয় দুয়ো কিশোৰে ৷
আমগুৰিত মহিলা সমিতিৰ উদ্যোগত উদ্ধাৰ দুই কিশোৰ
বৃহস্পতিবাৰে শিৱসাগৰ জিলা মহিলা সমিতিৰ বিষয়ববীয়া ইন্দ্ৰাণী ৰাজকুমাৰীৰ তৎপৰতাত দুয়োকে জিলা শিশু সুৰক্ষা সমিতিক চমজাই দিয়াৰ ব্যৱস্থা কৰা হয় ৷ তেখেতৰ এই সিদ্ধান্তৰ শলাগ লৈছে অঞ্চলটোৰ ৰাইজে ৷
