শিৱসাগৰ, 17 জুলাই : শিৱসাগৰ নগৰৰ কৰদাতা ৰাইজৰ বাবে ভাল খবৰ । শিৱসাগৰ পৌৰসভাই পৌৰকৰ আৰু সম্পত্তি কৰ সংগ্ৰহৰ বাবে আৰম্ভ কৰিছে অনলাইন সেৱা ৷ বুধবাৰে শিৱসাগৰ পৌৰসভাৰ সভানেত্ৰী মৃদুস্মিতা সিংহৰ সঞ্চালনাত অনুষ্ঠিত এখন সভাত জিলা উপায়ুক্ত ড0 লক্ষ্মণন এছে আনুষ্ঠানিকভাবে মুকলি কৰে এই সেৱা ৷ জিলা উপায়ুক্তই এই নতুন অনলাইন কৰ আদায় ব্যৱস্থাৰ জৰিয়তে শিৱসাগৰ পৌৰ এলেকাৰ ৰাইজে উপকৃত হ'ব বুলি আশা ব্যক্ত কৰে ।
কৰ আদায়ৰ বাবে অনলাইন ব্যৱস্থা আৰম্ভ শিৱসাগৰ পৌৰসভাৰ
উদ্বোধনী অনুষ্ঠানত পৌৰসভাৰ কাৰ্যবাহী বিষয়া ঋতুৰাজ বৰদলৈ, প্ৰাক্তন পৌৰপতিদ্বয় ৰাণা খান আৰু ৰূপা বৰা, শিৱসাগৰ নাগৰিক সন্থাৰ সভাপতি ৰজনী চাংকাকতি, শিৱসাগৰ জিলা ক্ৰীড়া সন্থাৰ সভাপতি পোনাৰাম মিলি, উপ পৌৰপতি আজাদ আলমৰ লগতে বহু জ্যেষ্ঠ নাগৰিক আৰু পৌৰ সদস্য উপস্থিত থাকে ।
