নগাঁও, 29 জুন: পুনৰ খাকী পোছাকত কালিমা সানিলে এজন আৰক্ষী বিষয়াই (Police detained in Nogaon) ৷ জোনমণি ৰাভাৰ ঘটনা মাৰ নৌযাঁওতেই নগাঁৱত পুনৰ আটক হৈছে এজন আৰক্ষী বিষয়া ৷ এটা গোচৰ নিষ্পত্তিৰ নামত অভিযুক্তৰ পৰিয়ালৰ পৰা উৎকোচ বিচাৰি নগাঁও আৰক্ষীৰ জালত পৰিল ভাৰপ্ৰাপ্ত আৰক্ষী বিষয়া হাইদৰ হুছেইন (police detained for taking bribes) ৷
ৰূপহীহাট আৰক্ষী থানাৰ অধীনৰ কাৱৈমাৰী আৰক্ষী চকীৰ ভাৰপ্ৰাপ্ত বিষয়া হাইদৰ হুছেইনে কিছুদিনৰ পূৰ্বে মোবাইল ফোনৰ এটা গোচৰত মইনুল হক নামৰ এজন লোকক গ্ৰেপ্তাৰ কৰিছিল ৷ মইনুলক কাৱৈমাৰী আৰক্ষীয়ে থানাত গুৰুলা গুৰুলকৈ প্ৰহাৰ কৰাৰো অভিযোগ উত্থাপন হৈছে ৷ ইয়ৰোপৰি গোচৰ নিষ্পত্তিৰ নামত আৰক্ষীয়ে মইনুলৰ পৰা উৎকোচ বিচৰাৰ অভিযোগ উত্থাপন হৈছে ৷
পৰৱৰ্তী সময়ত নগাঁৱৰ আৰক্ষী অধীক্ষক লীনা দলেই ধন বিচৰাৰ অভিযোগ লাভ কৰাৰ পিছতেই আৰক্ষী বিষয়াজনক সোমবাৰে নিশা নগাঁও আৰক্ষীয়ে আটক কৰে (Nogaon SP Leena Doley)৷ সম্প্ৰতি আৰক্ষী বিষয়াজনৰ বিৰুদ্ধে ৰূপহীহাট আৰক্ষী থানাত গোচৰ ৰুজো কৰাৰ লগতে জেৰা অব্যাহত ৰখা হৈছে বুলি আৰক্ষীয়ে জানিবলৈ দিয়ে ৷
ইফালে অভিযুক্ত মইনুলৰ আত্মীয়ই আৰক্ষীয়ে প্ৰহাৰ কৰা অভিযোগক মিছা বুলি জানিবলৈ দিয়ে ৷ মইনুলে গাড়ীত খুন্দা খাইহে মূৰত কষ্ট পাইছিল বুলি সংবাদমাধ্যমৰ আগত প্ৰকাশ কৰে ভাতৃয়ে ৷
অৱশ্যে আৰক্ষী বিষয়াগৰাকীয়ে উৎকোচ লোৱাৰ সন্দৰ্ভত এতিয়ালৈকে কোনো মন্তব্য প্ৰকাশ কৰা নাই ৰূপহীহাট আৰক্ষীয়ে ৷
লগতে পঢ়ক: নৃশংস: মৰাণত পুত্ৰৰ হাতত প্ৰাণ গ'ল মাতৃৰ
