ৰূপহীহাট,22 জানুৱাৰী: সমাগত 2021 বৰ্ষৰ অসম বিধানসভা নিৰ্বাচন ৷ নিৰ্বাচনৰ দিন চমু চাপি অহাৰ লগে লগে ৰাজ্যৰ অন্যান্য প্ৰান্তৰৰ দৰে ৰূপহীহাটটো ক্ৰমশ তীব্ৰতৰ হৈছে নিৰ্বাচনী প্ৰচাৰ ৷ ইয়াৰ মাজতে শুকুৰবাৰে ৰূপহীহাটৰ কংগ্ৰেছৰ বিধায়ক নুৰুল হুদাই শতাধিক কৰ্মী সমৰ্থকক লগত লৈ বাহিৰ কৰে এক বিশাল চাইকেল ৰেলী ৷ মূল্যবৃদ্ধি ৰোধ কৰক,কৃষক আইন বাতিল কৰক আদি শ্লগানেৰে পৰিৱেশ উত্তাল কৰি তোলে ৰেলীত অংশগ্ৰহণ কৰা কংগ্ৰেছ কৰ্মী সকলে ৷
উল্লেখ্য যে,জুৰীয়াৰ ৰাজীৱ ভৱনৰ পৰা ৰেলী আৰম্ভ কৰা চাইকেল ৰেলীৰ দলটোৱে জুৰীয়া কলেজ হৈ থানাৰোডেৰে ওভতি আহি ৰূপহী ৰাজহ চক্ৰৰ চক্ৰ বিষয়াৰ জড়িয়তে দেশৰ প্ৰধানমন্ত্ৰীলৈ এখন স্মাৰক পত্ৰ প্ৰেৰণ কৰে ৷
