নগাঁও,9 ছেপ্তেম্বৰ: পুনৰ নগাঁৱত গুলী চালনাৰ ঘটনা ৷ এইবাৰ আৰক্ষী আৰু অভিযুক্তৰ মাজত গুলী চালনা নহয় ৷ এইবাৰ গুলী চালনা সংঘটিত হৈছে চি আৰ পি এফ(CRPF)ৰ জোৱানৰ মাজতে ৷
নগাঁৱৰ কাটিমাৰীস্থ চি আৰ পি এফ কেম্পত সংঘটিত হৈছে এই গুলীয়া-গুলীৰ ঘটনা ৷ জানিব পৰা মতে, চি আৰ পি এফ জোৱান বিজয় কুমাৰ আৰু প্ৰাঞ্জল দত্তৰ মাজত সংঘটিত হয় এই গুলী চালনাৰ ঘটনা ৷ চি আৰ পি এফ জোৱান বিজয় কুমাৰৰ গুলীচালনাত গুৰুত্বৰ ভাৱে আহত হয় প্ৰাঞ্জল দত্তৰ নামৰ আন এগৰাকী চি আৰ পি এফ জোৱান ৷
ইফালে প্ৰাঞ্জল দত্তক গুলীওৱাৰ কিছুসময় পিছতেই বিজয় মিশ্ৰই নিজৰ মূৰত গুলি কৰি কৰে আত্মহত্যা ।
এই ঘটনাক কেন্দ্ৰ কৰি অঞ্চলটোত সৃষ্টি হৈছে তীব্ৰ চাঞ্চল্যৰ ৷ এই ঘটনা সংঘটিত হোৱাৰ পাচতেই ঘটনাস্থলীত উপস্থিত হয় নগাঁও আৰক্ষীৰ উচ্চপদস্থ বিষয়া । ভৰিত গুলি লগাত গুৰুত্বৰ ভাৱে আহত হয় প্ৰাঞ্জল দত্ত ৷ আহত প্ৰাঞ্জল দত্ত বৰ্তমান উন্নত চিকিৎসাৰ বাবে প্ৰেৰণ কৰা হৈছে গুৱাহাটী চিকিৎসা মহাবিদ্যালয়লৈ ৷
লগতে পঢ়ক: নিমাতীঘাটত উপস্থিত DGP ভাস্কৰজ্যোতি মহন্ত
