নগাঁও, 22 মে’: বটদ্ৰৱা আৰক্ষী থানা আক্ৰমণৰ ঘটনাৰ তদন্তৰ বাবে বিশেষ আৰক্ষী সঞ্চালক প্ৰধান জি পি সিঙৰ নিৰ্দেশ মৰ্মে গঠন কৰা হৈছে বিশেষ তদন্তকাৰী দল(Special investigation team for Batadrava incident) । আৰক্ষী থানা আক্ৰমণৰ ঘটনাৰ আঁৰত জেহাদী শক্তি জড়িত আছে নেকি সেই বিষয়েও তদন্ত কৰা হ’ব বুলি জানিবলৈ দিছে অসম আৰক্ষীৰ বিশেষ সঞ্চালক প্ৰধানগৰাকীয়ে ।
ঘটনাৰ ভিডিঅ’ ফুটেজৰ পৰা দোষীক চিনাক্ত কৰা হ'ব বুলি শনিবাৰে আৰক্ষী অধীক্ষক লীনা দলেই(Nagaon SP Leena Doley) মন্তব্য কৰাৰ পাছত দেওবাৰে সঞ্চালক প্ৰধানগৰাকীয়েও অনুৰূপ মন্তব্য প্ৰকাশ কৰে । আনহাতে একাংশ উত্তেজিত লোকে বটদ্ৰৱা থানা জ্বলাই দিয়া ঘটনাত জড়িত 21 জনকৈ লোকক ইতিমধ্য নগাঁও আৰক্ষীয়ে আটক কৰিছে (Batadrava Police Station incident accused arrested) ৷ ইয়াৰে ১৫ গৰাকী মহিলা ৷
এই ঘটনাৰ আঁৰত জেহাদী সংগঠনৰ লোক জড়িত আছে নেকি তাৰো তদন্ত কৰা হ’ব বুলি জানিবলৈ দিছে বিশেষ আৰক্ষী সঞ্চালক প্ৰধান জি পি সিঙে (SDGP GP Singh on Bratadava violence) ৷ ঘটনাত বহু কুখ্যাত অপৰাধী জড়িত থকাৰ সন্দেহ কৰাৰ লগতে এই আক্ৰমণ পৰিকল্পিত বুলি ধাৰণা কৰিছে আৰক্ষীয়ে ৷ ইফালে বটদ্ৰৱা আৰক্ষীয়ে এজন যুৱকক মাৰপিট কৰাৰ পাছতে মৃত্যু হোৱাৰ যি অভিযোগ উত্থাপিত হৈছিল সেই সন্দৰ্ভতো আৰক্ষীয়ে তদন্তৰ ব্যৱস্থা কৰিছে ৷
ইতিমধ্য মৰণোত্তৰ পৰীক্ষা সম্পন্ন হোৱা যুৱকজনৰ মৃতদেহটো সোমবাৰে ফৰেনচিক পৰীক্ষাগাৰলৈ প্ৰেৰণ কৰা হ’ব বুলি সংবাদ মাধ্যমক জানিবলৈ দিছে জি পি সিঙে ৷ ফৰেনচিক ৰিপ’ৰ্ট লাভ কৰাৰ পাছত যুৱকজনৰ মৃত্যুৰ সন্দৰ্ভত ব্যৱস্থা গ্ৰহণ কৰিব বুলি জানিবলৈ দিছে ৷
লগতে পঢ়ক: Tense Situation at Batadrava : পৰিস্থিতি পৰিদৰ্শন কৰি কি ক’লে বিধায়িকা শিৱামণি বৰাই ?
