নিউজ ডেস্ক, 8 জানুৱাৰী : গুৱাহাটী উচ্চ ন্যায়ালয়ে অখিল গগৈৰ জামিন আৱেদন খাৰিজ কৰা সন্দৰ্ভত গুৰুত্বপূৰ্ণ মন্তব্য কৰিছে নগাঁও লোকসভা সমষ্টিৰ সাংসদ প্ৰদ্যুৎ বৰদলৈয়ে ৷ সাংসদ গৰাকীয়ে কয় যে, আক্ৰোশমূলকভাৱে বিজেপি চৰকাৰে কাৰাবন্দী কৰি ৰাখিছে কৃষক নেতা অখিল গগৈক ৷ অখিল গগৈ মুক্ত আকাশৰ তললৈ আহিলে পুনৰ কা বিৰোধী আন্দোলনে গা কৰি উঠিব বুলি চৰকাৰ ভীতিগ্ৰস্ত হৈ আছে বুলি উল্লেখ কৰে বৰদলৈয়ে ৷
ইয়াৰ লগতে সাংসদ গৰাকীয়ে কয় যে, বিজেপি চৰকাৰে যি চক্ৰান্ত চলাই আছে, সেয়া অসমৰ ৰাইজে সম্পূৰ্ণকৈ বুজি পাইছে ৷ সেয়ে অহা নিৰ্বাচনত এই চৰকাৰক ৰাইজে ওফৰাই পেলাব ৷
লগতে পঢ়ক : দৰঙত আলোচনাপন্থী আলফা নেতাসহ 7 জনক আটক