মৰিগাওঁ, 13 ফেব্ৰুৱাৰী : স্বাস্থ্য বিভাগৰ প্ৰশ্ন কাকত ফাদিল কৰাৰ অভিযোগত অসম আৰক্ষীয়ে কৰায়ত্ত কৰিছে এক দম্পতীক (Prime accused in health department exam paper leak held from Morigaon) । 12 ফেব্ৰুৱাৰীৰ দিনা অনুষ্ঠিত হৈছিল অসম চৰকাৰৰ স্বাস্থ্য বিভাগৰ তৃতীয় বৰ্গৰ পৰীক্ষা ৷ লখিমপুৰত অনুষ্ঠিত হৈছিল স্বাস্থ্য বিভাগৰ তৃতীয় বৰ্গৰ এই পৰীক্ষাৰ ৷ পৰীক্ষা সম্পন্ন হোৱাৰ পিছত স্বাস্থ্য বিভাগৰ তৃতীয় বৰ্গৰ পৰীক্ষাৰ প্ৰশ্ন কাকত ফাদিল হোৱাৰ খবৰ বিয়পি পৰিছিল আৰু আৰক্ষীয়ে ঘটনা সন্দৰ্ভত তাৎক্ষণিকভাৱে আৰম্ভ কৰে তদন্ত প্ৰক্ৰিয়া (Question Paper Leak) ৷
তদন্তত আৰক্ষীৰ জালত পৰে মৈৰাবাৰীৰ এগৰাকী মহিলাৰ লগতে তেওঁৰ স্বামী ৷ প্ৰশ্ন কাকত ফাদিল কাণ্ডৰ সৈতে জড়িত থকাৰ অভিযোগত মৈৰাবাৰীৰ পৰা আৰক্ষীয়ে আজি অৰ্থাৎ সোমবাৰে গ্ৰেপ্তাৰ কৰে মহিলাগৰাকীৰ লগতে তেওঁৰ স্বামীকো । মহিলাগৰাকী নাচিমা বেগম আৰু স্বামীৰ নাম মফিজ উদ্দীন বুলি আৰক্ষী সূত্ৰত প্ৰকাশ ( Health department question papers leaked ) ৷ নাচিমা বেগম আৰু মফিজ উদ্দীন দুই স্বামী-স্ত্ৰীক মৈৰাবাৰীৰ হাতীমূৰীয়া গাঁৱৰ পৰা আৰক্ষীয়ে আটক কৰিবলৈ সক্ষম হয় ।
লখিমপুৰ আৰক্ষীৰ সহযোগত মৈৰাবাৰী আৰক্ষীয়ে আটক কৰিবলৈ সক্ষম হয় প্ৰশ্ন কাকত ফাদিল কৰা নাচিমা বেগমৰ লগতে স্বামী মফিজ উদ্দীনক (Lakhimpur police) । স্বামী মফিজ উদ্দীনৰ ঘৰ গুনাইবৰী গাঁৱত বুলি আৰক্ষী সূত্ৰত প্ৰকাশ । ধৃত মফিজ উদ্দীনে পত্নী নাচিমা বেগমৰ সৈতে মৈৰাবাৰীৰ হাতীমূৰীয়া গাঁৱত শহুৰেকৰ ঘৰত বাহৰ পাতি আছিল বুলি আৰক্ষীয়ে জানিবলৈ দিছে । ইতিমধ্যে লখিমপুৰ আৰক্ষীয়ে দুয়োজনকে ঘটনা সন্দৰ্ভত অধিক সোধপোছৰ বাবে লখিমপুৰলৈ লৈ যোৱা বুলি জানিব পৰা গৈছে ।
উল্লেখ্য যে, অসম চৰকাৰৰ দ্বাৰা অনুষ্ঠিত হোৱা স্বাস্থ্য বিভাগৰ তৃতীয় বৰ্গৰ পৰীক্ষাত লখিমপুৰৰ পৰা পৰীক্ষাত অৱতীৰ্ণ হৈছিল নাচিমা বেগম ৷ নাচিমা বেগমৰ মোবাইলেৰে স্বাস্থ্য বিভাগৰ তৃতীয় বৰ্গৰ শেহতীয়াকৈ অনুষ্ঠিত হোৱা পৰীক্ষাৰ প্ৰশ্নকাকত ভাইৰেল হৈছিল বুলি জানিবলৈ পৰা গৈছে ।
