শিঙৰা নদীয়ে উটুৱাই নিলে দলং

লখিমপুৰত বানৰ বিধ্বংসী ৰূপ ৷ নাওবৈছা বিধানসভাৰ টাটিয়ামৰা ম'হঘুলী সংযোগী পথৰ দলঙৰ এটা অংশ উটুৱাই নিলে শিঙৰা নদীৰ পানীয়ে।

লখিমপুৰ, 29 জুনঃ নাওবৈছা বিধান সভাৰ টাটিয়ামৰা ম'হঘূলী সংযোগী পথৰ একমাত্ৰ দলংখনৰ এটা অংশ শিঙৰা নদীৰ পানীয়ে উটুৱাই নিয়াত জীয়াতু ভুগিছে অঞ্চলটোৰ বাসিন্দাই ৷ শুকুৰবাৰৰ নেৰানেপেৰা বৰষুণৰ পিছত বাঢ়ি অহা শিঙৰা বানে উটুৱাই নিলে দলংখন। বানপানীৰ ফলত বৰ্তমান হাহাকাৰ লাগিছে প্ৰায় দহ খন গাঁৱৰ ৰাইজৰ মাজত ৷

উল্লেখ্য যে,বৰষুণৰ পৰিমাণ কমিছে যদিও দলংখনৰ দুয়োটা মূৰ প্ৰায় উটি যোৱাৰ উপক্ৰম হৈছে। তাৰোপৰি দলঙৰ মাটি খহি কথমপি ৰক্ষা পৰিল বাতৰি সংগ্ৰহ কৰিবলৈ যোৱা সাংবাদিক ।