বিহপুৰীয়া,15 আগষ্ট : দেশে 75 সংখ্যক স্বাধীনতা দিৱস ক’ৰণা মহামাৰীৰ মাজতো উলহ-মালহৰে উদযান কৰিছে ৷ সকলো ব্যস্ত স্বাধীনতা দিৱস উদযাপন কৰাত ৷ পিছে আমাৰ আকৌ ভূপেন ভূঞাই বেলেগকৈ মানে সকলোতকৈ বেলগকৈ উদযান কৰিছে স্বাধীনতা দিৱস ৷
ভূপেন ভূঞা আকৌ আপোনৰ মোৰ দৰে এলাপেছা নহয় ৷ তেওঁ এজন অসম আৰক্ষীৰ জোৱান ৷ তেওঁ যেনেকৈ স্বাধীনতা দিৱস উদযাপন কৰিছে দেখি আপোনাৰো চকু কপালত উঠিব ৷ ঘটনাটোৰ বিষয়ে জনোৱাৰ আগতে ভূপেনৰ পৰিচয়টো সৰ্ম্পূণ কৈ দি লওঁ ৷
নাৰায়ণপুৰৰ শিমলুগুৰি আৰক্ষী চকীত আৰক্ষী জোৱান হিচাপে কৰ্মৰত ভূপেন ভূঞা ৷ তেওঁ স্বাধীনতা দিৱসৰ দিনা পুৱাই ডিঙিলৈকে মদিৰা পান কৰি এক অনাকাংক্ষিত পৰিৱেশৰ সৃষ্টি কৰে ৷ সুৰাৰ ৰাগীত মাতাল হৈ নিজে কি কৰিব ভূপেনে গমে পোৱা নাই ৷ এবাৰ ইফালে যায় আকৌ এবাৰ সিফালে যায় ৷ মুঠতে ভূপেনে স্বাধীনতা দিৱস এনেকৈ নিজৰ গাত লগাইছে দেখি সকলো আচৰিত হৈ পৰিছে ৷
লগতে পঢ়কঃ শ্বিলঙত সান্ধ্য আইন : কৰ্তন কৰা হ’ল ম’বাইল ইন্টাৰনেট সেৱা
একাংশই কৈছে ভূপেনেনো আজি স্বাধীনতা দিৱসৰ দিনটোতো এনে কৰিব লাগে নে ৷ সকলোৱে ভূপেনৰ ফালেই চাই থাকে ৷ যিখনহে নাটক কৰিছে ভূপেনে একাংশই আকৌ ক’বলৈকে লাজ কৰিছে ৷ মুঠৰ ওপৰত নাৰায়ণপুৰত আজি একাংশ ভূপেন ভূঞাক লৈয়ে ব্যস্ত হৈ থাকিল ৷ ক’বলৈ গ’লে একাংশই ভূপেনৰ কাণ্ড কাৰখানা দেখি ৰস পাইছে আন একাংশই আকৌ খাকী পোচাক পৰিধান কৰি এনেদৰে সুৰা ৰাগীত মতলিয়া হৈ থকা দেখি আক্ষেপো প্ৰকাশ কৰিছে ৷
যি সময়ত অসম চৰকাৰে আৰক্ষীৰ আধুনিকীকৰণৰ বাবে ন ন ব্যৱস্থা গ্ৰহণ কৰিছে ৷ একাংশ আৰক্ষী তথা আৰক্ষী বিষয়াৰ সততাৰে ৰাইজৰ তথা দেশৰ স্বাথৰ হকে সেৱা আগবঢ়াই আহিছে ৷ তাৰমাজতে এনে একাংশ অকমণ্য নিৰ্লজ্জ আৰক্ষীৰ বাবেই এই খাকী পোচাকযোৰৰ বদনাম হয় ৷ এনেধৰণৰ আৰক্ষী জোৱানৰ বিৰুদ্ধে অসম আৰক্ষীৰ শীৰ্ষ বিষয়াই কি ব্যৱস্থা গ্ৰহণ কৰে সেয়া সময়তহে লক্ষণীয় হ‘ব ৷
