বিহপুৰীয়া,16মাৰ্চ: নিৰ্বাচনৰ দিন যিমানেই চমু চাপি আহিছে ৰাজ্যত সিমানেই বৃদ্ধি পাইছে হিংসাত্মক ঘটনা ৷ ক'ৰবাত যদি বিজেপি প্ৰাৰ্থীক প্ৰহাৰ, ক'ৰবাত আকৌ ৰাইজৰ দলৰ প্ৰাৰ্থীক প্ৰহাৰ ৷ সোমবাৰে তেনে এক ঘটনাৰে পুনৰাবৃত্তি ঘটিল নাৰায়ণপুৰৰ তৰাজুলিৰ ন-পমুৱা গাঁৱত ৷ ৰাইজৰ দলৰ বিহপুৰীয়া সমষ্টিৰ প্ৰাৰ্থী অনুপ শইকীয়াৰ এক নিৰ্বাচনী প্ৰচাৰ সভাৰ পৰা দুজন সমৰ্থকে ঘৰলৈ গৈ থকাৰ সময়তে কোনো দুৰ্বৃত্তই আক্ৰমণ কৰে ৷
প্ৰাপ্ত খবৰ অনুসৰি, নিৰ্বাচনী প্ৰচাৰ সভাত অংশগ্ৰহণ কৰি ঘৰলৈ গৈ থকাৰ অৱস্থাতে ৰাইজৰ দলৰ তোষেশ্বৰ লেখাৰু আৰু দেৱেশ্বৰ লেখাৰু নামৰ দুজন সমৰ্থকক দূৰ্বত্তই কোৰেৰে প্ৰহাৰ কৰে ৷ যাৰ ফলত গুৰুতৰ ভাৱে আহত কৰে লোক দুজন ৷ আঘাত প্ৰাপ্ত হোৱা দুয়োজনকে ভৰ্তি কৰা হয় চিকিৎসালয়ত ৷ ইতিমধ্যে এই ঘটনা সন্দৰ্ভত নাৰায়ণপুৰ আৰক্ষী থানাত অভিযুক্তৰ বিৰুদ্ধে ৰুজু কৰা হৈছে গোচৰ ৷
ইফালে, সমষ্টিটোত দলটোৰ জনপ্ৰিয়তাত শংকিত হৈ এই আক্ৰমণ কৰিছে বুলি ৰাইজৰ দলৰ প্ৰাৰ্থী অনুপ শইকীয়াই অৱগত কৰাৰ লগতে ৰাজনীতিৰ নামত এনে গুণ্ডামী সহ্য কৰা নহ'ব বুলিও সকীয়াই দিয়ে ৷
অন্য এক খবৰৰ বাবে: 18 মাৰ্চৰ পৰা ৰাজ্যৰ ২৭ হাজাৰ গৃহৰক্ষী জোৱানৰ কৰ্ম বিৰতি
