কৰিমগঞ্জ, 24 জুনঃ ত্ৰিপুৰা আৰক্ষীৰ জালত পৰিল আন্তঃৰাজ্যিক নাৰী সৰবৰাহকাৰী চক্ৰৰ সদস্য । নাৰী সৰবৰাহকাৰী চক্ৰৰ ঘাটিৰ পৰা পলাই অহা এগৰাকী মহিলাৰ গোচৰৰ ভিত্তিত ত্ৰিপুৰা আৰক্ষীয়ে চক্ৰটোৰ ৰছিদ আহমেদ নামৰ সদস্যক আটক কৰিবলৈ সক্ষম হয় । ৰছিদ আহমেদৰ ঘৰ উত্তৰ ত্ৰিপুৰা জিলাৰ কদমতলা এলেকাত ।
ত্ৰিপুৰা আৰক্ষীৰ জালত নাৰী সৰবৰাহকাৰী
যোৱা দুবছৰ পূৰ্বে প্ৰেমৰ জালত পেলাই একে এলেকাৰ এগৰাকী দুটা সন্তানৰ মাতৃক এক লাখ সত্তৰ হেজাৰ টকাৰ বিনিময়ত দিল্লীত বিক্ৰী কৰিছিল ৰছিদ আহমেদে । দুবছৰ পিছত মহিলাগৰাকী দিল্লীৰ পৰা পলাই নিজ ঘৰলৈ উভতি আহিবলৈ সক্ষম হয় । আৰু উভতি অহাৰ পিছত ৰছিদ আহমেদৰ বিৰুদ্ধে মহিলা গৰাকীয়ে কদমতলা আৰক্ষী থানাত গোচৰ ৰুজু কৰে ৷ এই গোচৰৰ ভিত্তিতেই আৰক্ষীয়ে আটক কৰে লম্পট যুৱকজনক ।
আৰু পঢ়কঃ কামপুৰ বজাৰত ৰেল বিভাগৰ উচ্ছেদ অভিযান
