কংগ্ৰেছ আৰু এআইইউডিএফৰ মাজত উত্তপ্ত পৰিস্থিতি

কৰিমগঞ্জ,10 মাৰ্চ: কংগ্ৰেছ আৰু এআইইউডিএফৰ মাজত মহাজোঁট গঠন হোৱাৰে পৰা দুয়োটা দলৰ মাজতে সৃষ্টি হৈছে কণ্ডল ৷ বিভিন্ন সময়ত দল দুটাৰ মাজত সৃষ্টি হৈ আহিছে মতানৈক্য ৷ সমষ্টি ভাগ বাতোৱাৰাৰ পৰা আৰম্ভ কৰি প্ৰাৰ্থিত্ব কেন্দ্ৰিক সংঘাতলৈ দুয়োটা দলৰ মাজতে গৃহ কণ্ডলে লগ এৰা নাই ৷ মঙলবাৰে কৰিমগঞ্জৰ চন্দন হোটেলত আয়োজন কৰা হৈছিল এখন দলীয় সভা ৷ সভাখনতে সৃষ্টি হয় উত্তপ্ত পৰিস্থিতি, আৰু উত্তপ্ত পৰিস্থিতিৰ পাচতে সৃষ্টি হয় প্ৰচণ্ড মাৰপিট ৷

ঘটনা অনুসৰি, একাংশ দলীয় কৰ্মীয়ে পূৰ্বৰ এআইইউডিএফ দলৰ দক্ষিণ কৰিমগঞ্জৰ বিধায়ক তথা বৰ্তমানৰ অগপ দলৰ দক্ষিণ কৰিমগঞ্জ সমষ্টিৰ প্ৰাৰ্থী আজিজ আহমেদ খানৰ ৰেলীত অংশ গ্ৰহণ কৰি সভাখনত উপস্থিত হৈছিল ৷ এই বিষয়টো এআইইউডিএফ দলৰ যুবনেতা দেওয়ান হেকিম চৌধুৰীয়ে সভাত উত্থাপন কৰাত পৰিস্থিতি উত্তপ্ত হৈ পৰে ৷ অৱশেষত উভয় দলৰ নেতৃত্বৰ মধ্যস্থতাতহে পৰিস্থিতি নিয়ন্ত্ৰণলৈ আহে ৷

লগতে পঢ়ক: টীয়কত অগপ-বিজেপি মিত্ৰজোঁটৰ গুৰুত্বপূৰ্ণ বৈঠক