কৰিমগঞ্জ, 9 জানুৱাৰীঃ সীমান্ত আৰক্ষীৰ বৃহৎ সাফল্য ৷ আগৰতলা চহৰৰ সংলগ্ন জয়নগৰ এলেকাৰ পৰা সীমান্ত আৰক্ষীয়ে অভিযান চলাই সোণৰ বিস্কুট সহ আটক কৰিবলৈ সক্ষম হয় এজন সৰবৰাহকাৰীক । আটক হোৱা সৰবৰাহকাৰীজনৰ নাম জাহাংগীৰ হুছেইন ৷ জাহাংগীৰৰ পৰা জব্দ কৰা হৈছে 2.267 গ্ৰাম সোণ ৷ জব্দকৃত সোণখিনিৰ বজাৰ মূল্য প্ৰায় 96 লাখ টকা হ'ব বুলি আৰক্ষীৰ সূত্ৰে প্ৰকাশ ৷ বাংলাদেশলৈ সৰবৰাহ কৰাৰ সময়তে সীমান্ত আৰক্ষীয়ে সোণসহ সৰবৰাহকাৰীজনক আটক কৰিবলৈ সক্ষম হয় ৷ ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ৷
স্থানীয় লোকৰ মন্তব্য অনুসৰি, বৰ্তমান অবৈধ অনুপ্ৰৱেশকাৰীৰ মূল ঘাটি হৈ পৰিছে ত্ৰিপুৰাৰ আন্তৰ্জাতিক সীমান্ত ৷ ইয়াৰ সমান্তৰালকৈ ত্ৰিপুৰাৰ ভাৰত বাংলাদেশ আন্তৰ্জাতিক সীমান্তৰে বিভিন্ন ধৰনৰ অবৈধ সামগ্ৰী বাংলাদেশলৈ সৰবৰাহ হয় বুলিও উল্লেখ কৰে অঞ্চলবাসীয়ে ৷
অন্য এক খবৰৰ বাবে : গোৱালপাৰাত ৰাম মন্দিৰ আৰ্হিত ভেলাঘৰ
