ডিফু,৩০ নৱেম্বৰ : আজি পুৱাৰ ভাগতে কাৰ্বি আংলঙৰ মাঞ্জাত সংঘটিত হৈছে এক শোকাৱহ পথ দুৰ্ঘটনা ৷ প্ৰাপ্ত খবৰ অনুসৰি কাৰ্বি আংলঙৰ মাঞ্জা থানা সমীপৰ আপাৰ মহংদিজোৱাৰ ৩৬ নং ৰাষ্ট্ৰীয় ঘাইপথত বাছ আৰু ট্ৰেংকাৰৰ মুখামুখি সংঘৰ্ষৰ ফলত সংঘটিত হয় এই দুৰ্ঘটনা ৷ বাতৰি সংগ্ৰহ কৰা সময়লৈকে দুৰ্ঘটনাটোত ৪ জন লোক থিতাতে নিহত হৈছে বুলি জানিব পৰা গৈছে ৷ সমান্তৰালভাৱে আৰক্ষীয়ে উদ্ধাৰ অভিযান অব্যাহত ৰাখিছে ৷
উল্লেখ্য যে, ডিমাপুৰ পৰা মৈৰাবাৰী অভিমুখে আহি থকা AS21C 4996 নম্বৰৰ বাছখনে AS 14C6713 তেলৰ টেংকাৰ খনক অতিক্ৰম কৰিবলৈ লওঁতেই সংঘটিত দূৰ্ঘটনাটো ৷ নিহত সকল ক্ৰমে, বাক্সাৰ মাধৱপুৰ গাঁৱৰ জাবেদ আলী( ৩২), বৰপেটা টাউনৰ অনুপম শৰ্মা, ধৰ্মেন্দ্ৰ দাস (৩২) আৰু মৈৰাবাৰীৰ দিলদাৰ হুছেইন ৷
