ডিফু, ৩০ আগষ্ট : কাৰ্বি আংলং জিলাৰ চকীহোলাত অৰ্দ্ধ উলংগ অৱস্থাত উদ্ধাৰ হৈছে এগৰাকী কিশোৰীৰ মৃতদেহ ৷ প্ৰাপ্ত খবৰ অনুসৰি চকীহোলা আৰক্ষী থানাৰ অন্তৰ্গত লক্ষীৰাম গাৱঁত সংঘটিত হৈছে এই চাঞ্চল্যকৰ ঘটনা ৷ শনিবাৰে বিয়লি গাঁও খনৰ দুগৰাকী কিশোৰীয়ে মাছ মাৰিবলৈ গৈ আকস্মিক ভাৱে নিৰুদ্দেশ হৈ পৰাত চাঞ্চল্যই বিৰাজ কৰিছিল সমগ্ৰ অঞ্চলটোত ৷
নিৰুদ্দেশ হৈ থকা ইয়াৰে কিশোৰী দুগৰাকীৰ মাজৰে এগৰাকী কিশোৰীৰ মৃতদেহ দেওবাৰে আবেলি এইদৰে কৰা উদ্ধাৰ হৈছিল । এই অৱস্থাত কিশোৰী গৰাকীৰ মৃতদেহ উদ্ধাৰ হোৱাকলৈ ব্যাপক ৰহস্যৰ সৃষ্টি হৈছিল । গাওঁবাসীয়ে এতিয়া কিশোৰী গৰাকীক কোনো অচিনাক্ত দূৰ্বৃত্তই ধৰ্ষণ কৰি হত্যা কৰাৰ সন্দেহ প্ৰকাশ কৰিছে ।
উল্লেখযোগ্য মৃত কিশোৰী গৰাকীৰ মূৰত এক আঘাতৰ চিন দেখা গৈছে ৷ ইতিমধ্যে ভুক্তভোগী কিশোৰী গৰাকীৰ মৃতদেহ আৰক্ষীয়ে উদ্ধাৰ কৰি মৰণোত্তৰ পৰীক্ষাৰ বাবে ডিফুলৈ প্ৰেৰণ কৰিছে ৷ ইফালে, একেলগে নিৰুদ্দেশ হোৱা আনগৰাকী কিশোৰী এতিয়াও সন্ধানহীন হৈ থকা বুলি জানিব পৰা গৈছে ।
লগতে পঢ়ক : কাজিৰঙাত বান: Time card ব্যৱস্থাৰে জীৱ-জন্তুৰ মৃত্যু নিয়ন্ত্ৰণৰ লক্ষ্য
