ডিফু, 17 মাৰ্চ : বোকাজান মহকুমাৰ বৰপথাৰ থানা এলেকাৰ খাকৰাজানত বৃহস্পতিবাৰে আৰক্ষীয়ে বৃহৎ পৰিমাণৰ গাঞ্জাসহ এটা সৰবৰাহকাৰীক আটক কৰিবলৈ সক্ষম হয়(One person arrested with Ganja) ৷ বোকাখাতৰ বৰপথাৰ থানাৰ ভাৰপ্ৰাপ্ত আৰক্ষী বিষয়া কুলেন্দ্ৰ নাথৰ নেতৃত্বত সহকাৰী উপ-পৰিদৰ্শক বিদ্যা বৰাৰ নেতৃত্বত আৰক্ষীৰ এটা দলে অভিযান চলাই আটক কৰে সৰবৰাহকাৰীটোক ৷ আটকাধীন সৰবৰাহকাৰীটো নগাঁও জিলাৰ হয়বৰগাঁৱৰ কামাল হুছেইনৰ পুত্ৰ আজমল আলী(26) বুলি জানিব পৰা গৈছে ৷
আৰক্ষীৰ দলটোৱে গোপন সূত্ৰৰ ভিত্তিত খাকৰাজান নাকা তালাচী পইণ্টত তালাচী চলাই AS 12 AC 3477 নম্বৰৰ এখন বাছৰ পৰা আটক কৰে সৰবৰাহকাৰীটোক ৷ সৰবৰাহকাৰীটোৱে ডিমাপুৰৰ পৰা আহি থকা বাছখনত এটা ক'লা ৰঙৰ প্লাষ্টিকৰ বেগত কঢ়িয়াই আনিছিল গাঞ্জাখিনি ৷ আৰক্ষীৰ দলটোৱে সৰবৰাহকাৰীটোৰ পৰা প্ৰায় 52 কেজি গাঞ্জা উদ্ধাৰ কৰে ৷
লগতে পঢ়ক : কাৰ্বি আংলঙৰ ডিলাইত সন্দেহযুক্ত হেৰ'ইনসহ এজনক আটক
