ডিফু, 18 অক্টোবৰ : কাৰ্বি আংলং আৰক্ষীৰ বৃহৎ সফলতা । জিলাখনৰ লাহৰিজান আৰক্ষীৰ এটি বিশেষ তালাচীত উদ্ধাৰ হৈছে প্ৰায় 3 কেজি নিষিদ্ধ হেৰ’ইন । অসমৰ চুবুৰীয়া ৰাজ্য ইম্ফলৰ পৰা এএছ 04 এচি 5213 নম্বৰৰ ট্ৰাকখনত কঢ়িয়াই অনা হৈছিল হেৰ’ইনখিনি । জব্দ কৃত হেৰ’ইনখিনিৰ বজাৰ মূল্য প্ৰায় 21 কোটি টকা হোৱাৰ আংশকা প্ৰকাশ কৰিছে আৰক্ষীয়ে ।
ঘটনাৰ সৈতে জড়িত ট্ৰাক চালক ৰামে গুৰুং(২৭) আৰু হেণ্ডিমেন ভীম গুৰুং(৩৩) ক আটক কৰিছে ডিলাই আৰক্ষীয়ে ৷ উল্লেখ্য যে, অসমত দিনক দিনে বৃদ্ধি পাইছে ড্ৰাগছ ব্যৱহাৰকাৰী আৰু সৰবৰাহকাৰীৰ সংখ্যা ।
জিলাখনৰ সমীপৱৰ্তী 39, 36, 61 আৰু 53 নং ৰাষ্ট্ৰীয় ঘাইপথেৰে মণিপুৰৰ পৰা অসমলৈ প্ৰায়ে সৰবৰাহ হয় বিভিন্ন ধৰণৰ নিচাযুক্ত সামগ্ৰী । ইতিমধ্যে কাৰ্বি আংলঙত ড্ৰাগছ বিৰোধী অভিযান আৰম্ভ কৰাৰ বাবে আৰক্ষীয়ে গঠন কৰিছে বিশেষ অভিযানকাৰী দল । এই বিষয়ে সংবাদ মাধ্যমৰ আগত সদৰী কৰে কাৰ্বি আংলং জিলাৰ আৰক্ষী অধীক্ষক দেৱজিত দেউৰীয়ে ।
লগতে চাওকঃ মুখ্যমন্ত্ৰীৰ প্ৰধান সচিব পদত বহিব কোন !
