ডিফু, ১২ জুন: আজি অৰ্থাৎ দেওবাৰে অনুষ্ঠিত হৈছে কাৰ্বি আংলং স্বায়ত্তশাসিত পৰিষদৰ নিৰ্বাচনৰ ভোট গণনা(Karbi Anglong Autonomous Council poll) ৷ ডিফু চৰকাৰী বালক উচ্চতৰ মাধ্যমিক বিদ্যালয়ৰ ভোট গণনা কেন্দ্ৰত অনুষ্ঠিত হৈছে এই ভোটগণনা ৷ আজি কাৰ্বি আংলং স্বায়ত্তশাসিত পৰিষদৰ ডিফু, হামৰেণ আৰু বোকাজানত মুঠ ২৬ টা পৰিষদীয় সমষ্টিৰ বাবে ভোট গণনা অনুষ্ঠিত হৈছে ৷ ইয়াৰে হামৰেণত ৯ টা, ডিফুত আৰু বোকাজানত ৭ টা পৰিষদীয় সমষ্টিৰ বাবে ভোট গণনা কৰা হ’ব ৷
বিক্ষিপ্ত হিংসা আৰু তীব্ৰ উত্তেজনাৰ মাজত এইবাৰ সামৰণি পৰিছিল কাৰ্বি আংলং স্বায়ত্তশাসিত পৰিষদৰ নিৰ্বাচন ৷ ইয়াৰ পিছত আজি অনুষ্ঠিত ২৬ টা পৰিষদীয় সমষ্টিৰ পষ্টেল বেলট পেপাৰৰ ভোট গণনাত বিজেপি দলে ৬ খন আসনত অগ্ৰগতি লাভ কৰিছে ৷ হাওৰাঘাটত অজিত দে’, আমৰিত ডি উফিং মাছলাই, লাংফেৰত মধুৰাম লেকথে, সিংহাসনত অমৰছিং তিচ', দুৱাৰ আমলাত প্ৰভাত চন্দ্ৰ তাৰঙে অগ্ৰগতি লাভ কৰিছে ৷
কাৰ্বি আংলং স্বায়ত্তশাসিত পৰিষদৰ প্ৰথম ৰাউণ্ডৰ ভোট গণনা
প্ৰথম ৰাউণ্ডৰ ভোট গণনাত লাংহিন পৰিষদীয় সমষ্টিত বিজেপি দলে অগ্ৰগতি লাভ কৰিছে ৷ বিজেপিৰ প্ৰাৰ্থী বিলিমোহন খাকলাৰীয়ে ৪,৬০৭ টা ভোটৰ অগ্ৰগতি লাভ কৰিছে ৷ ইয়াৰ বিপৰীতে এপিএইছ(এলচি)ৰ প্ৰাৰ্থী ছাৰমুন ৰংফাৰে লাভ কৰিছে ১,৪৭১ টা ভোট ৷
মহামায়া সমষ্টিত বিজেপিৰ প্ৰাৰ্থী লুণছিং টেৰণে ৩,১৫১ টা ভোটত অগ্ৰগতি লাভ কৰাৰ বিপৰীতে কংগ্ৰেছ প্ৰাৰ্থী বিদ্যাছিং ৰংপিয়ে ১,৬১৭টা ভোট লাভ কৰিবলৈ সক্ষম হৈছে ৷ সমষ্টিটোত নিৰ্দলীয় প্ৰাৰ্থী ৰবিছিং ৰংহাঙে লাভ কৰিছে ১,৫২২ টা ভোট ৷
লগতে পঢ়ক : KAAC election 2022: তিনি তৰপীয়া নিৰাপত্তা ব্যৱস্থাৰ মাজেৰে কাইলৈ ভোট গণনা
