ৰঙিয়া,14 জুন: ৰাজ্যৰ সৰ্বত্ৰে সাব্যস্ত হৈছে ঋতুপৰ্ণ পেগুৰ হত্যাৰ প্ৰতিবাদ ৷ হত্যাকাৰীক শাস্তিৰ দাবীত ৰঙিয়াত দেওবাৰে প্ৰতিবাদ সাব্যস্ত কৰে ৰাষ্ট্ৰীয় বজৰং দলে ৷ দলটোৱে গান্ধী মণ্ডপৰ সন্মুখৰ পৰা এক প্ৰতিবাদী সমদল উলিয়াই বৰলীয়া নৈৰ দলঙত পথ অৱৰোধ কৰি মুখ্যমন্ত্ৰীৰ পুত্তলিকা দাহেৰে চৰকাৰ বিৰোধী শ্লোগান দি সাব্যস্ত কৰে প্ৰতিবাদ ৷ পথ অৱৰোধ কৰাৰ ফলত সৃষ্টি হয় তীব্ৰ যান-জঁট ৷
ঋতুপৰ্ণ পেগুৰ হত্যাৰ প্ৰতিবাদ
উল্লেখ্য যে,দুদিন পূৰ্বে গুৱাহাটীৰ মাজমজিয়াত দিন-দুপৰতে ৰাইজৰ সন্মুখত ঋতুপৰ্ণ পেগুক হানি-খুচি হত্যা কৰে দুৰ্বৃত্তই ৷ সমগ্ৰ ঘটনা চিচিটিভি কেমেৰাত আৱদ্ধ হোৱাৰ পিছত আৰক্ষীয়ে আটক কৰে হত্যাকাৰীক ।
লগতে চাওকঃ কৰ'ণাত আক্ৰান্ত বৰপেটা মেডিকেল কলেজ হাস্পতালৰ চিকিৎসক
