দক্ষিণ কামৰূপ, 19চেপ্তেম্বৰঃ প্ৰকৃতিৰ ৰম্যভূমি চানডুবিত গুলীবিদ্ধ অৱস্থাত এটি হাতীৰ পোৱালি উদ্ধাৰ । দুদিন ধৰি হাতীৰ পোৱালিটোৱে চানডুবিৰ সমীপৰ জৰামখুৰীয়া অঞ্চলত ঘূৰি ফুৰিছিল । শনিবাৰে সেই অঞ্চলটোত হাতীৰ পোৱালিটো পৰি থকা দৃশ্য স্থানীয় লোকে প্ৰত্যক্ষ কৰি লোহাৰঘাট বনাঞ্চল বিষয়াক খৱৰ দিয়ে ।
ইপিনে ততাতয়াকৈ বনাঞ্চলিক বিষয়া শান্তনু পাটোৱাৰীসহ ঘটনাস্থলীত বনকৰ্মীৰ দল উপস্থিত হৈ গুলীবিদ্ধ হাতীৰ পোৱালীটো উদ্ধাৰ কৰি অতি সংকটজনক অৱস্থাত ৰাজ্যিক চিৰিয়াখানালৈ প্ৰেৰণ কৰে । উল্লেখযোগ্য যে, খাদ্যৰ সন্ধানত বনাঞ্চলৰ পৰা জনাঞ্চললৈ ওলাই আহিছিল হাটীতো । আনহাতে হাতীটোৰ মুৰত গুলীৰ আঘাটৰ চিন স্পষ্ট কোনে কিয় পোৱালি হাতীটোৰ মুৰত গুলী মাৰিলে সেয়া এতিয়া ৰহস্যৰ আৰ্ৱত্তত ।
