বকো,4 জানুৱাৰী: দক্ষিণ কামৰূপৰ ছয়গাঁৱৰ জাহিৰপুৰৰ ব্ৰহ্মপুত্ৰৰ পাৰত পুতি থোৱা অৱস্থাত উদ্ধাৰ এটি মৃতদেহ ৷ ঘটনাৰ বিৱৰণী অনুসৰি,কিছুদিন পূৰ্বে নগাঁৱৰ ৰামু নায়ক নামৰ এগৰাকী গাড়ী চালকক অপহৰণ কৰিছিল এটা দুৰ্বৃত্তৰ দলে ৷ পৰৱৰ্তী সময়ত অপহৰণকাৰীৰ দলটোৱে চালকজনক নিৰ্মমভাৱে হত্যা কৰি ছয়গাঁৱৰ জাহিৰপুৰৰ সমীপৰ ব্ৰহ্মপুত্ৰৰ বালিচৰত গাঁত খান্দি পুতি থয় ৷
ইফালে গাড়ীচালকগৰাকী সন্ধানহীন হোৱাৰ তথ্য লাভ কৰি আৰক্ষীয়ে অনুসন্ধান আৰম্ভ কৰে ৷ এই অনুসন্ধানৰ মাজতে দেওবাৰে পুৱতি নিশা বকোৰ সোণতলীত এটা ছাগলী চোৰৰ চক্ৰৰ দুজন চোৰক আৰক্ষীয়ে কৰায়ত্ত কৰে ৷ উক্ত চোৰ দুটাক অপহৃত ৰামু নায়কৰ সন্দৰ্ভত সোধ-পোছ কৰাত সমগ্ৰ ঘটনা পোহৰলৈ আহে ৷ চোৰ দুটাই নগাঁৱৰ অপহৃত গাড়ীচালকগৰাকীক হত্যা কৰি জাহিৰপুৰৰ ব্ৰহ্মপুত্ৰৰ বালিত পুতি থোৱা বুলি আৰক্ষীৰ আগত স্বীকাৰ কৰে ৷ ঘটনা সন্দৰ্ভত সম্প্ৰতি আৰক্ষীৰ অভিযান অব্যাহত আছে ৷
লগতে চাওকঃ ধিঙত সলিল সমাধি ডেৰ বছৰীয়া শিশুৰ
