ৰঙিয়া, 28 নৱেম্বৰ : সমগ্ৰ দেশৰ লগতে ৰঙিয়াতো শনিবাৰে মূল্যবৃদ্ধিৰ বিৰুদ্ধে প্ৰতিবাদ সাব্যস্ত কৰে কংগ্ৰেছে(Congress Protest against Price Hike) ৷ ৰঙিয়াৰ ৰাজীৱ ভৱনৰ পৰা নগৰৰ মাজেৰে চৰকাৰৰ বিৰুদ্ধে প্ৰতিবাদী সমদল উলিয়ায় কংগ্ৰেছ কৰ্মীসকলে ।
বিজেপি চৰকাৰ হায় হায়, বিজেপিৰ দুমুখীয়া নীতি বন্ধ কৰক, নিবনুৱা সংস্থাপনৰ ব্যৱস্থা কৰক আদি বিভিন্ন শ্ল’গানৰে ৰাজপথ উত্তাল কৰি তোলে প্ৰতিবাদকাৰীসকলে । প্ৰতিবাদৰ সময়ত সাংবাদিকৰ সৈতে হোৱা বাৰ্তালাপত ৰঙিয়াৰ প্ৰাক্তন বিধায়ক ঘনশ্যাম কলিতা(Former MLA Ghanashyam Kalita)ই বিজেপিক ‘মিছলীয়া’ বুলি আখ্যা দিয়ে ৷
তেওঁ কয় যে, নিৰ্বাচনত জয়ী হোৱাৰ পূৰ্বে বিজেপিয়ে অত্যাৱশ্যকীয় সামগ্ৰীৰ মূল্যবৃদ্ধি ৰোধ কৰাৰ মিছা আশ্বাস দিছিল । লগতে অসমত এক লাখ নিবনুৱাক নিযুক্তি দিয়াৰ যি প্ৰতিশ্ৰুতি দিছিল, সেই প্ৰতিশ্ৰুতি ৰক্ষাৰ ক্ষেত্ৰতো বিজেপি চৰকাৰ ব্যৰ্থ হোৱা বুলি ক্ষোভ উজাৰে প্ৰাক্তন বিধায়ক ঘনশ্যাম কলিতাই ৷
লগতে পঢ়ক : Congress Protest : চৰকাৰৰ বিৰুদ্ধে ‘ৰাষ্ট্ৰজোৰা জনজাগৰণ অভিযান’
