আজাৰা , 26 মাৰ্চ : সমাগত দেশৰ সাধাৰণ নিৰ্বাচন । দেশৰ সাধাৰণ নিৰ্বাচন তথা লোকসভা নিৰ্বাচনক লৈ ৰাজনৈতিক দল সমূহৰ মাজত দেখা পোৱা গৈছে ব্যাপক নিৰ্বাচনী প্ৰস্তুতি । মংগলবাৰে গুৱাহাটী বৰঝাৰ বিমান বন্দৰৰ শ্যামভুমি খেলপথাৰত অনুষ্ঠিত হয় 7নং গুৱাহাটী লোকসভা সমষ্টিৰ মিত্ৰজোটৰ বিজেপি প্ৰাৰ্থী কুইন ওজাৰ"বিজয় সংকল্প সমাবেশ" ।
সমাবেশখনত মিত্ৰজোটৰ বহু কেইগৰাকী মন্ত্ৰী-বিধায়ক তথা সাংসদ বিজয়া চক্ৰৱৰ্তীও উপস্থিত থাকে । ভাৰতীয় জনতা পাৰ্টিয়ে কথাৰে নহয় কামেৰে মহিলাক সন্মান কৰাৰ বাবেই গুৱাহাটীৰ দৰে সমষ্টিত তেওঁক প্ৰাৰ্থীত্ব প্ৰদান কৰিছে বুলিও লোকসভা নিৰ্বাচনৰ বিজেপিৰ প্ৰাৰ্থী কুইন ওজাই মন্তব্য কৰে ৷ সমাবেশত উপস্থিত থকা বিধায়ক ৰমেন্দ্ৰ নাৰায়ন কলিতাই প্ৰাক্তন মুখ্যমন্ত্ৰী তৰুণ গগৈক কটাক্ষ কৰি কয় যে হু ইজ বদৰুদ্দিন বুলি মন্তব্য কৰা প্ৰাক্তন মুখ্যমন্ত্ৰী গৰাকীয়ে পুত্ৰ প্ৰেমত পৰি এ আই ইউ ডি এফৰ ওচৰত আত্মসমৰ্পন কৰিছে ৷
সভাখনত মুখ্যমন্ত্ৰী সৰ্বানন্দ সোনোৱাল,ৰাজ্যিক বিজেপি সভাপতি ৰনজিৎ দাস,মন্ত্ৰী হিমন্ত বিশ্ব শৰ্মা উপস্থিত থকাৰ কথা আছিল যদিও প্ৰতিকুল বতৰৰ বাবে সভাত উপস্থিত নাথাকিল নেতাকেইজন । বেয়া বতৰে সমাবেশখনত যথেষ্ট প্ৰভাৱ পেলোৱা দেখিবলৈ পোৱা যায় ৷ প্ৰথম অৱস্থাত কেইবাহাজাৰ লোক উপস্থিত থকা সমাবেশখনত শেষলৈ সমৰ্থনকৰ সংখ্যা হ্ৰাস পোৱা দেখিবলৈ পোৱা যায় ৷
