গুৱাহাটী, 4 অক্টোবৰঃ কয়লাৰ কলা বেহাক লৈ যুৱ কংগ্ৰেছৰ সংবাদমেল । সংবামেল সম্বোধন কৰে যুৱ কংগ্ৰেছী নেতা কামৰুল ইছলাম চৌধুৰীয়ে । জাগুনৰ কয়লা ব্যৱসায়ী ৰাধা চেতিয়া কয়লা ছিণ্ডিকেটৰ সৈতে জড়িত থকা অভিযোগ কংগ্ৰেছী নেতী গৰাকীৰ । বিজেপি বিধায়ক ভাস্কৰ শৰ্মাৰ সৈতেও ৰাধা চেতিয়া ঘনিষ্ঠ বুলি অভিযোগ উত্থাপন কৰে সংবাদ মেলত ।
আনহাতে, বৃহস্পতিবাৰে ৰাধা চেতিয়াৰ শিলৰ কুৱাৰীত দুখন কয়লা ভৰ্তি ট্ৰাক প্ৰত্যক্ষ কৰি এই সন্দৰ্ভত জাগুন আৰক্ষীক অভিযোগ দিছিল যুৱ কংগ্ৰেছৰ নেতাকেইজনে । জাগুণৰ বন বিভাগৰ ৰেঞ্জাৰকো অভিযোগ দিয়া বুলি মন্তব্য কৰে কংগ্ৰেছী নেতা সকলে ৷ কিন্তু বৃহস্পতিবাৰে কোনো ধৰণৰ আৰক্ষীৰ অভিযান নচলিল ট্ৰাক দুখনৰ বিৰুদ্ধে । তাৰ পাচত আৰক্ষীক বাৰম্বাৰ হেঁচা প্ৰয়োগৰ অন্তত শুকুৰবাৰে কয়লা ভৰ্তি ট্ৰাক দুখন বন বিভাগে জব্দ কৰে । তাৰোপৰি অসম চৰকাৰে কি যুক্তিত ৰাধা চেতিয়াক দেহৰক্ষী প্ৰদান কৰে বুলিও প্ৰশ্ন তোলে যুৱ কংগ্ৰেছী নেতা সকলে ।
সংবাদমেলত নামফাই আৰু টিঙকুপানী সংৰক্ষিত বনাঞ্চলত অব্যাহত থকা হেলুং গছৰ মুকলি বেহা সন্দৰ্ভতো মন্তব্য কৰে যুৱ কংগ্ৰেছী নেতাকেইজনে । হেলুং গছৰ বেহাৰ লগত ডিগবৈৰ বিধায়ক আৰু এছ এম আগৰবালাও জড়িত থকা বুলি অভিযোগ উত্থাপন কৰে । হেলুং গছ সমূহ আগৰৱালাৰ অৰুণাচল স্থিত কাঠৰ মিললৈ চোৰাংভাৱে সৰবৰাহ কৰা হয় মন্তব্য কৰে । ৰঞ্জন কুমাৰ দাস নামৰ এজন বন বিষয়া কয়লা ছিণ্ডিকেটত জড়িত থকাৰ লগতে তিনিচুকীয়াৰ আৰক্ষী অধীক্ষকে ছিণ্ডিকেট কাণ্ডাৰীক ৰক্ষণাবেক্ষণ দিয়াৰ অভিযোগ কৰে যুৱ কংগ্ৰেছৰ নেতাকেইগৰাকীয়ে ৷
আৰু পঢ়কঃজয়পুৰত অবৈধ কয়লাৰ ৰমৰমীয়া বেহা
