পুৱা 11 বজাৰ 10 টা শীৰ্ষ বাতৰি...

প্ৰধানমন্ত্ৰী নৰেন্দ্ৰ মোডীয়ে মাহিলী ৰেডিঅ’ কাৰ্যসূচী 'মন কি বাত'ত দেশবাসীক সম্বোধন কৰিব । মন কি বাতৰ ৭৫ তম সংস্কৰণৰ বিষয়ে প্ৰধানমন্ত্ৰী গৰাকীয়ে ছ’চিয়েল মিডিয়াযোগে প্ৰচাৰ কৰে ৷

কৰিমগঞ্জৰ বদৰপুৰৰ মালুয়াৰ নিৰ্বাচনী সভাত খোৱাপানীৰ পৰা আদি কৰি অন্যান্য যাৱতীয় ব্যৱস্থা উপলব্ধ নাছিল ৷ তাকে দেখি খং উঠিল এআইইউডিএফ প্ৰধান বদৰুদ্দিন আজমলৰ ৷

মাজুলীত সংঘটিত হৈছে নিৰ্বাচনী হিংসা ৷ প্ৰশাসনৰ লোকে দুটাকৈ খালী ইভিএম লৈ গৈ থকা এখন ৱেগনাৰ গাড়ী ভাঙিলে দুৰ্বৃত্তই ৷

প্ৰথম পৰ্যায় ভোটাৰ সকলক ধন্যবাদ আৰু কৃতজ্ঞতা জ্ঞাপন কৰিছে প্ৰদেশ কংগ্ৰেছৰ সভাপতি ৰিপুন বৰাই । এই সন্দৰ্ভত সভাপতি বৰাই কয়, এক সুস্থ আৰু সবল গণতন্ত্ৰ প্ৰতিষ্ঠাৰ বাবে ভোটাধিকাৰ সাব্যস্ত কৰাটো অতি প্ৰয়োজনীয় আৰু ৰাইজে এই কথা উপলব্ধি কৰি এইবাৰ স্থিতাৱস্থাৰ বিৰুদ্ধে ভোটদান কৰিছে ।

শনিবাৰে চামগুৰিত মন্ত্ৰী ড৹ হিমন্ত বিশ্ব শৰ্মাক লৈ কেইবাটাও গুৰুত্বপূৰ্ণ মন্তব্য় কৰে বিধায়ক ৰকিবুল হুছেইনে ৷ ‘হিমন্তৰ কেঁচা ঘা এতিয়াও শুকুওৱাই নাই’ বুলি কঠোৰ সমালোচনাও কৰে বিধায়ক গৰাকীয়ে ৷

আঙুৰা পঞ্চায়তৰ অন্তৰ্গত দত্তগাঁৱত এখন নিৰ্বাচনী জনসভাত অংশগ্ৰহণ কৰিছিল বিহাৰ বিজেপিৰ মিত্ৰদল ৰাষ্ট্ৰীয় লোক সমতা দলৰ প্ৰাৰ্থী প্ৰণৱ কুমাৰ ৰয়ে ৷ এই জনসভাতেই ৰাজনৈতিক হিংসাৰ বলি হ’ব লগা হৈছিল প্ৰাৰ্থী প্ৰণৱ কুমাৰ ৰয় ৷

গোৱা চৰকাৰে হোলী, সব-ই-বৰাট, ইষ্টাৰ আৰু ঈদ উদযাপনৰ বাবে ১৪৪ ধাৰা আইন জাৰি কৰিছে । জন সমাগমে মহামাৰীৰ সংক্ৰমণৰ আশংকা বৃ্দ্ধি কৰিব বুলি দণ্ডাধীশ অজিত ৰয়ে কয় । যদিহে কোনো ব্যক্তিয়ে এই আইন উলংঘা কৰে, তেন্তে সেই ব্যক্তিক ভাৰতীয় দণ্ডবিধিৰ ধাৰা ১৮৮ ৰ অধীনত শাস্তি প্ৰদান কৰা হ'ব ।

শচীন তেণ্ডুলকাৰ ক'ভিড-19 ত আক্ৰান্ত হোৱাৰ পাছতে এইবাৰ ক্ৰিকেটাৰ ইউছুফ পাঠান ক'ভিড-19 ত আক্ৰান্ত হৈছে ৷ দুয়োগৰাকীয়েই শেহতীয়াকৈ সমাপ্ত হোৱা ৰোড-চেফটি ৱৰ্ল্ড চিৰিজ টুৰ্ণামেণ্টত অংশগ্ৰহণ কৰিছিল ৷

ভূপালত দুৰ্ঘটনাত পতিত হ'ল এখন বিমান । এই দুৰ্ঘটনাত প্ৰশিক্ষণৰ বাবে ব্যৱহৃত বিমানখনত থকা এজন কেপ্টেইন আৰু দুজন প্ৰশিক্ষাৰ্থী পাইলট আহত হয় ।

অভিনেতা পৰেশ ৰাৱালৰ দেহত ধৰা পৰিছে কৰ'ণা ভাইৰাছৰ উপস্থিতি । শুক্ৰবাৰে ছ'চিয়েল মিডিয়াযোগে এই কথা প্ৰকাশ কৰে অভিনেতাগৰাকীয়ে । চলিত মাহৰ আৰম্ভণিতে COVID-১৯ৰ প্ৰতিষেধকৰ প্ৰথম খোৰাক গ্ৰহণ কৰিছিল পৰেশ ৰাৱালে ।