গুৱাহাটী, 13 ফেব্ৰুৱাৰী : কেন্দ্ৰীয় বন্দৰ-জাহাজ, পৰিবহণ আৰু জলপথ তথা আয়ুষ মন্ত্ৰী সৰ্বানন্দ সাণোৱালে(Union Minister Sarbananda Sonowal) শনিবাৰে গুৱাহাটীৰ কেন্দ্ৰীয় আয়ুৰ্বেদ গৱেষণা প্ৰতিষ্ঠানত (চি এ আৰ আই) পঞ্চকর্মা ব্ল'ক আৰু চৰকাৰী আয়ুৰ্বেদিক মহাবিদ্যালয়ত পঞ্চকর্মা উৎকর্ষ কেন্দ্ৰৰ আধাৰশিলা স্থাপন কৰে(Foundation stone Lay down at Panchakarma Centre of Excellence) । ২০ কোটি টকা ব্যয়েৰে নিৰ্মাণ হ'বলগীয়া এই ভৱনসমূহ ২০২৪ চনৰ ভিতৰত সম্পূর্ণ হৈ উঠিব । সংবাদ মাধ্যমৰ আগত এই কথা সদৰি কৰে কেন্দ্ৰীয় মন্ত্ৰীগৰাকীয়ে ৷
আনহাতে, জালুকবাৰীস্থিত ৰাজ্যিক আয়ুৰ্বেদিক মহাবিদ্যালয়তো (Guwahati ayurvedic college) পঞ্চকৰ্মাৰ বাবে উৎকৃষ্টতাৰ এটা কেন্দ্ৰ স্থাপন কৰা হ'ব ৷ ইয়াৰ লগতে আয়ুষ মন্ত্ৰালয়ৰ আয়ুষ্কাস্থ্য যোজনাৰ অধীনত ৰাজ্যিক আয়ুৰ্বেদিক ফার্মাচীও উন্নীত কৰা হ'ব । এই পদক্ষেপবোৰৰ বাবে মুঠ ব্যয় হ'ব ১০ কোটি টকা আৰু ২০২৪ চনৰ ভিতৰত ইয়াৰ কাম সম্পূর্ণ হ'ব । গুৱাহাটীৰ কেন্দ্ৰীয় আয়ুৰ্বেদ গৱেষণা প্ৰতিষ্ঠান নির্মাণ হ'বলগীয়া পঞ্চকর্মা ব্ল'ক আৰু ফার্মাক'ল'জী তথা ৰাসায়ন গৱেষণাগাৰৰ ভৱন দুটা ১০ কোটি টকা ব্যয়সাপেক্ষে ২০২৪ চনৰ ভিতৰত সম্পূর্ণ হৈ উঠিব ।
লগতে পঢ়ক : Hijab controversy: মুখমন্ত্ৰীয়ে দিলে সমাজত দুই ধৰণৰ মুছলমানৰ সংজ্ঞা
পঞ্চকৰ্মাৰ নতুন ভৱনসমূহে দক্ষতা বিকাশৰ বাবে বিশ্বমানৰ প্ৰশিক্ষণ পাঠ্যক্ৰম প্ৰদান কৰাত সহায় কৰিব । ফার্মাক'ল'জী আৰু ৰসায়ন গৱেষণাগাৰ ভৱনটোৱে প্ৰি-ক্লিনিকেল পৰীক্ষামূলক প্ৰক্ৰিয়া সম্পন্ন কৰাত, ঔষধৰ মানকৰণ নিশ্চিত কৰাত, যিকোনো ভেষজৰ বাবে ৰাসায়নিক পৰীক্ষা আৰু পশু সম্পর্কীয় টক্সিক'ল'জী প্ৰতিবেদন প্ৰস্তুতকৰণ আদিত সহায় কৰিব ।
উল্লেখ্য যে, এই ধৰণৰ অত্যাধুনিক সা-সুবিধাযুক্ত ই হৈছে উত্তৰ-পূৰ্বাঞ্চলৰ প্ৰথম ভৱন । অনুষ্ঠানত ভাষণ প্ৰদান কৰি কেন্দ্ৰীয় মন্ত্ৰী সৰ্বানন্দ সোণোৱালে কয় যে, আয়ুৰ্বেদ হৈছে শাৰীৰিক সৱলীকৰণ আৰু মানসিক উৎকর্ষ সাধনৰ চালিকা শক্তি । আমি সৌভাগ্যৱান যে, আই ধৰিত্ৰীৰ বুকুত সমৃদ্ধময় আৰু বিভিন্ন গুণসম্পন্ন ঔষধি উদ্ভিদ উপলব্ধ, যিয়ে অসম আৰু সমগ্ৰ উত্তৰ-পূৱৰ আয়ুৰ্বেদ খণ্ডত বিশাল সম্ভাৱনাৰ পথ উন্মুক্ত কৰিব পাৰে ।
তেওঁ লগতে কয় যে, আমাৰ আজিৰ এই পদক্ষেপবোৰৰ উদ্দেশ্য হৈছে আয়ুৰ্বেদৰ জৰিয়তে জনসাধাৰণৰ সুস্বাস্থ্য অটুট ৰখা আৰু শাৰীৰিক-মানসিক উৎকর্ষ সাধন কৰা । এই ব্যৱস্থাই বিশ্বখ্যাত পঞ্চকৰ্মা আৰু পৰম্পৰাগত ভাৰতীয় চিকিৎসা পদ্ধতিৰ সামৰ্থ আৰু গৌৰৱ বৃদ্ধি কৰিব বুলি আমি দৃঢ় বিশ্বাসী । অন্যান্য সুবিধাসমূহে প্ৰমাণ আধাৰিত চিকিৎসা বিজ্ঞানৰ সৈতে আয়ুৰ্বেদৰ গ্ৰহণযোগ্যতা অধিক বৃদ্ধি কৰিব । ভাৰতীয় চিকিৎসা পৰম্পৰাৰ এক বর্ণময় নিদর্শন আয়ুৰ্বেদৰ উত্থানৰ এই সুযোগ আমি গ্ৰহণ কৰিব লাগিব আৰু মানৱ সমাজৰ হিতৰ বাবে প্ৰয়োগ কৰিব লাগিব ।
অনুষ্ঠানত কেন্দ্ৰীয় মন্ত্ৰীগৰাকীৰ সৈতে স্বাস্থ্য আৰু পৰিয়াল কল্যাণ তথা তথ্য-প্ৰযুক্তি দপ্তৰৰ মন্ত্ৰী কেশৱ মহন্ত, গুৱাহাটী লোকসভা সমষ্টিৰ সাংসদ কুইন ওজা, দিছপুৰ সমষ্টিৰ বিধায়ক অতুল বৰা আৰু পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতা উপস্থিত থাকে ।
লগতে পঢ়ক : নিম্ন প্ৰাথমিক শিক্ষাখণ্ডত সংযোজিত হ'ব চাৰিটা জনজাতীয় ভাষা
