গুৱাহাটী, 23 জানুৱাৰীঃ বৃহস্পতিবাৰে গণৰাজ্য দিৱসৰ উপলক্ষে শীৰ্ষ ৰে'ল আৰক্ষীৰ উদ্যোগত কামাখ্যা ৰে'ল ষ্টেচনত এক গুৰুত্বপূৰ্ণ বৈঠক অনুষ্ঠিত কৰে । ৰে'ল ষ্টেচনত কৰ্মৰত সকলো বিষয়া-কৰ্মচাৰীসকলক সদাসষ্টম হৈ থাকিবলৈ নিৰ্দেশ দিয়ে ৰে'ল আৰক্ষীয়ে । কোনো সন্দেহজনক সামগ্ৰী পালে ততাতৈয়াকৈ আৰক্ষীৰ লগত যোগাযোগ কৰিবলৈ আহ্বান জনায় । গণৰাজ্য দিৱসৰ প্ৰাকক্ষণত যাতে কোনো কূটাঘাতকাৰীয়ে কূটাঘাতমূলক ঘটনা সংঘটিত কৰিব নোৱাৰে তাৰ বাবে এনে সষ্টম হৈ উঠিছে ৰে'ল আৰক্ষী ।
কামাখ্যা ৰে'ল ষ্টেচনত ৰে'ল আৰক্ষীৰ বৈঠক
ইফালে ৰে'ল আৰক্ষীৰ এটা দলে সাধাৰণ যাত্ৰীৰ লগত মত-বিনিময় কৰি যাত্ৰীসকলক সজাগ হৈ থাকিবলৈ আহ্বান জনায় । লগতে ৰে'ল ষ্টেচনৰ পৰিসৰৰ ভিতৰত অৱলম্বন কৰিবলগীয়া সাৱধানতাৰ বিষয়ে অৱগত কৰে যাত্ৰীসকলক ।
