ছয়গাঁও, 26 আগষ্ট : এক ভয়ংকৰ দুৰ্ঘটনাৰ পৰা কথমপি ৰক্ষা পৰে দক্ষিণ কামৰূপৰ ছয়গাঁও ৷ ছয়গাঁৱত বুধবাৰে এখন যাত্ৰীবাহী ৰে’ল দুৰ্ঘটনাত পতিত হৈ পাঁচটা দবা লাইনচ্যুত হৈ পৰে ৷ জানিব পৰা মতে গুৱাহাটীৰ পৰা হাওৰা অভিমুখে গৈ থকা অৱস্থাত শৰাইঘাট এক্সপ্ৰেছ নামৰ ৰে’লখন ছয়গাঁও ষ্টেচনত দুৰ্ঘটনাত পতিত হয় ।
শৰাইঘাট এক্সপ্ৰেছখনৰ কামাখ্যা যোগীঘোপা ৰে’লপথত লাইনচ্যুত হৈ পাঁচটা ডবা লাইনৰ পৰা নামি যায় । ফলত ৰে’লপথৰ কিছু পৰিমাণে ক্ষতি হয় যদিও কোনো যাত্ৰী হতাহত হোৱা নাই । অৱশ্যে এই দুৰ্ঘটনাটো কিহৰ বাবে সংঘটিত হ’বলৈ পালে সেয়া বৰ্তমানেও জানিব পৰা হোৱা নাই ।
লগতে পঢ়ক : নগাঁৱত চালকৰ ভুৱা অনুজ্ঞাপত্ৰ প্ৰস্তুত কেন্দ্ৰ উৎখাত
