গুৱাহাটী, জানুৱাৰীঃ পুনৰ নাহৰফুটুকীৰ সন্ত্ৰাস মহানগৰীত ৷ মালিগাঁৱত শনিবাৰে পুৱা নাহৰফুটুকীৰ আক্ৰমণৰ বলি হ’ল কুমাৰ ছেত্ৰী নামৰ এগৰাকী লোক ৷ মালিগাঁও মাধৱদেৱ নগৰৰ নিৱাসী কুমাৰ ছেত্ৰী নামৰ লোকজনৰ ঘৰৰ চৌহদতে দুবাৰকৈ আক্ৰমণ কৰিলে এটা নাহৰফুটুকীয়ে ৷ এই আক্ৰমণত গুৰুতৰভাৱে আহত হয় লোকজন ৷ আঘাতপ্ৰাপ্ত লোকজন বৰ্তমান গুৱাহাটী চিকিৎসা মহাবিদ্যালয় হাস্পতালত চিকিৎসাধীন অৱস্থাত আছে ৷
এটা সপ্তাহত দুবাৰকৈ বনৰজাৰ আক্ৰমনৰ বলি এগৰাকী লোক
নাহৰফুটুকীৰ মুক্ত বিচৰণত আতংকিত হৈ পৰিছে অঞ্চলবাসী ৷ বন বিভাগক এই বিষয়ে যাৱতীয় ব্যৱস্থা ল’বলৈ আহ্বান মালিগাঁও মাধৱদেৱ নগৰবাসীৰ। উল্লেখ্য যে যোৱা সপ্তাহতো এই একেজন লোককে আক্ৰমণ কৰিছিল নাহৰফুটুকীয়ে। চিকিৎসালয়ত চিকিৎসাধীন হৈ থকাৰ অন্তত ঘৰলৈ অহাৰ পিচত পুনৰ নাহৰফুটুকীৰ আক্ৰমণৰ বলি হ'ল কুমাৰ ছেত্ৰী নামৰ দুৰ্ভগীয় লোকজন ।
