গুৱাহাটী, ১১ জুন : চৰকাৰ গঠনৰ এমহীয়া খতিয়ান আৰ এছ এছ (RSS)ৰ নেতৃত্বক দাখিল কৰিবলৈ শুকুৰবাৰে দিল্লীৰ পৰা নাগপুৰ অভিমুখে ৰাওনা হৈছে মুখ্যমন্ত্ৰী ড৹ হিমন্ত বিশ্ব শৰ্মা (Himanta Biswa Sarma) । নাগপুৰত আৰ এছ এছ (RSS)ৰ মুৰব্বী মোহন ভাগৱত(Mohan Bhagwat) সমন্বিতে শীৰ্ষ নেতৃত্বক সাক্ষাৎ কৰিব মুখ্যমন্ত্ৰীগৰাকীয়ে ।
উল্লেখযোগ্য যে, মুখ্যমন্ত্ৰী হিচাপে শপত লৈয়ে গুৱাহাটীত অৱস্থিত আৰ এছ এছ (RSS)ৰ মূল কাৰ্যালয় "কেশৱধাম" (Keshabdham)ত উপস্থিত হৈছিল ড৹ হিমন্ত বিশ্ব শৰ্মা । তাৰ পৰৱৰ্তী পৰ্যায়ত মুখ্যমন্ত্ৰী হিচাপে প্ৰথমটো দিল্লী যাত্ৰাৰ সময়ত দিল্লীস্থিত আৰ এছ এছ (RSS)ৰ কাৰ্যালয়লৈও গৈছিল মুখ্যমন্ত্ৰীগৰাকী ।
ইয়াৰ পিছতে চৰকাৰৰ এমাহপুৰ্তি উপলক্ষে বৃহস্পতিবাৰে গুৱাহাটীত এখন সংবাদমেলত অংশ লোৱাৰ পাছতে তেওঁ দিল্লীলৈ উৰা মাৰে । সেই অনুসৰি শুকুৰবাৰে ড৹ শৰ্মা দিল্লীৰ পৰা ৰাওনা হয় নাগপুৰ অভিমুখে ।
লগতে পঢ়ক:কামৰূপ আৰক্ষীৰ অভিযানত জব্দ প্ৰায় ডেৰ কোটি টকাৰ হেৰ’ইন
