গুৱাহাটী, ৪ ফেব্ৰুৱাৰী: অসমৰ চাৰিখন বিশ্ববিদ্যালয়ত ব্যাপক বিত্তীয় খেলিমেলি, অনিয়ম সংঘটিত হৈ আহিছে বুলি কেন্দ্ৰীয় মহাগাণনিকে(CAG) শেহতীয়া প্ৰতিবেদনত উল্লেখ কৰাৰ পিছতে এই কেলেংকাৰী সন্দৰ্ভত তদন্তৰ নিৰ্দেশ দিছে গুৱাহাটী উচ্চ ন্যায়ালয়ে । এই চাৰিখন উচ্চ শিক্ষাৰ প্ৰতিষ্ঠান হ'ল ক্ৰমে গুৱাহাটী বিশ্ববিদ্যালয়, ডিব্ৰুগড় বিশ্ববিদ্যালয়, শিলচৰ বিশ্ববিদ্যালয় আৰু অসম কৃষি বিশ্ববিদ্যালয় ।
ইতিমধ্যে, তদন্ত প্ৰক্ৰিয়া আৰম্ভ হৈছে । ইফালে, ডিব্ৰুগড় বিশ্ববিদ্যালয়ৰ বৰ্তমানৰ উপাচাৰ্যগৰাকীৰ বিৰুদ্ধেও ব্যাপক বিত্তীয় কেলেংকাৰীৰ অভিযোগ উত্থাপন হোৱাৰ পিছত ৰাজ্যপালে গঠন কৰি দিয়া তদন্ত কমিটীয়ে বিশ্ববিদ্যালয়খনত চৰজমিন তদন্ত আৰম্ভ কৰাৰ লগতে উপাচাৰ্য সমন্বিতে বিশ্ববিদ্যালয়খনৰ কেইবাজনো বিষয়াৰ বিৰুদ্ধে ব্যৱস্থাও গ্ৰহণ কৰিছে ।
