ব্যুৰো, 7 চেপ্তেম্বৰঃ গোলাঘাটত অসম জাতীয়তাবাদী যুৱ ছাত্ৰ পৰিষদৰ প্ৰতিবাদ । ৰাজ্যত আন্তঃৰাজ্যিক পাৰপত্ৰ ব্যৱস্থা প্ৰবৰ্তনৰ দাবীত এই প্ৰতিবাদ । কেন্দ্ৰীয় আৰু ৰাজ্য চৰকাৰে অসমত আন্তঃৰাজ্যিক পাৰপত্ৰ প্ৰদানৰ ব্যৱস্থা নকৰিলে অসম জাতীয়তাবাদী যুৱ ছাত্ৰ পৰিষদে জংগী আন্দোলন গঢ়ি তুলিব বুলি সকিয়াই দিয়ে ।
অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় কমিটিৰ আহ্বান মৰ্মে সমগ্ৰ ৰাজ্যৰ লগতে নলবাৰী জিলা সমিতিৰ উদ্যোগত জোৰ সমদল কাৰ্য্যসূচী ৷ আন্তঃৰাজ্যিক পাৰপত্ৰ প্ৰবৰ্তনৰ দাবীত যুৱ ছাত্ৰ পৰিষদে বাহিৰ কৰে জোৰ সমদল ।
প্ৰতিষ্ঠা কালৰ পৰাই অসম জাতীয়তাবাদী যুৱ ছাত্ৰ পৰিষদে ৰাজ্যখনত আন্তঃৰাজ্যিক পাৰ পত্ৰৰ দাবী জনাই অহা বুলি মন্তব্য যোৰহাট জিলা অসম জাতীয়তাবাদী যুৱ ছাত্ৰ পৰিষদৰ ৷ অসমত আন্তঃৰাজ্যিক পাৰ পত্ৰ প্ৰবৰ্তন নকৰাৰ ফলতেই ৰাজ্যখনৰ খিলঞ্জীয়াৰ প্ৰতি ভাবুকি অহা বুলি মন্তব্য কৰি জোৰ সমদল বাহিৰ কৰে শতাধিক কৰ্মীয়ে ৷
দৰঙটো আন্তঃ ৰাজ্যিক পাৰপত্ৰ ব্যৱস্থা প্ৰৱৰ্তন কৰাৰ দাবীত AJYCP ৰ জোৰ সমদল । AJYCP ৰ দৰং জিলা সমিতিৰ উদ্যোগত মঙ্গলদৈ চহৰত জোৰ সমদল ৷ শতাধিক সদস্যই যোগদান কৰে সমদলত ।
