টীয়ক,21নৱেম্বৰ : শনিবাৰে নিশা প্ৰায় ৯ বজাত টীয়কৰ মুদৈজান পেট্ৰ'ল ডিপুৰ সমীপৰ ৩৭নং ৰাষ্ট্ৰীয় ঘাইপথত সংঘটিত হয় এক পথ দুৰ্ঘটনা ৷ দুৰ্ঘটনাটোত এজন লোক নিহত হয় ৷ নিহত লোকজনৰ পৰিচয় বৰ্তমানেও জানিব পৰা হোৱা নাই ৷
প্ৰাপ্ত তথ্য অনুসৰি,যোৰহাটৰ পৰা শিৱসাগৰ অভিমুখে আহি থকা WB-65-C-5678 নম্বৰৰ মালবাহী ট্ৰাক এখনত একেটা দিশৰ পৰা আহি থকা আন এখন নম্বৰপ্লেট বিহীন স্কুটীয়ে প্ৰচণ্ড জোৰে খুন্দা মাৰে ৷ যাৰ ফলত লোকজনৰ থিতাতে নিহত হয় ৷ ঘটনা সংঘটিত হোৱাৰ পাচতে ট্ৰাকখন পলায়ন কৰে যদিও টীয়ক আৰক্ষীয়ে ইতিমধ্যে ট্ৰাকখন জব্দ কৰিছে ৷ আৰক্ষীয়ে বৰ্তমান ঘটনাস্থলীত উপস্থিত হৈ মৃতদেহটো উদ্ধাৰ কৰি তদন্ত অব্যাহত ৰাখিছে ৷
অন্য এক খবৰৰ বাবে: আমিনগাঁৱত অংগনবাড়ী কৰ্মী সহায়িকা সন্থা আৰু CITUৰ প্ৰতিবাদ
