তিতাবৰ পথ দূৰ্ঘটনাঃ নিহত এক

তিতাবৰত সংঘটিত পথ দুৰ্ঘটনাত থিতাতে নিহত এগৰাকী লোক

তিতাবৰ, 7 মেঃ তিতাবৰ তিনি আলিৰ সমীপত সংঘটিত এক পথ দুৰ্ঘটনাত থিতাতে নিহত হয় এগৰাকী লোক ৷ AS-03R-9361 নম্বৰৰ বাইকেৰে আহি থকা অৱস্থাতে নিয়ন্ত্ৰণ হেৰুৱাই পথৰ কাষৰ লাইট পোষ্টত খুন্দা মৰাৰ ফলতেই সংঘটিত হয় দুৰ্ঘটনাটো ৷

তিতাবৰ গ্ৰীণ ফিল্ডৰ সমীপত তিনি আলিত সংঘটিত পথ দুৰ্ঘটনাটোত সঞ্জীৱ হাজৰিকা নামৰ লোকজন গুৰুতৰভাৱে আহত হয় ৷ গুৰুতৰভাৱে আহত সঞ্জীৱ হাজৰিকাক ততালিকে তিতাবৰ মহকুমা চিকিৎসালয়লৈ নিয়া হয় যদিও চিকিৎসকে মৃত ঘোষণা কৰে ৷ নিহত সঞ্জীৱ হাজৰিকাৰ ঘৰ তিতাবৰ তেলিয়াপঠিত বুলি জানিব পৰা গৈছে ৷