যোৰহাট, 5 জুলাই: পুনৰ উত্তপ্ত মৰিয়নিৰ সীমান্ত (Assam Nagaland border dispute)। অসমৰ মাটিত ৰাজহুৱা শ্মশান নিৰ্মাণত বাধা নগাৰ । মৰিয়নিৰ অসম-নাগালেণ্ড সীমান্তৰ মগ্ৰৈ গাঁৱত অসমৰ চৰকাৰৰ পুঁজিৰে পঞ্চায়তে নিৰ্মাণ কৰা শ্মশান ভয়-ভাবুকিৰে বন্ধ কৰিলে নগাই (Border conflict at Mariani)।
উল্লেখ্য যে, মগ্ৰৈ গাঁৱত অসমৰ মাটিত স্থানীয় পঞ্চায়তৰ অধীনত নিৰ্মাণ কৰি থকা হৈছে এখন ৰাজহুৱা শ্মশান । কিন্তু মঙলবাৰে হঠাৎ মগ্ৰৈ গাঁৱত উপস্থিত হ’ল নাগালেণ্ডৰ চেয়াৰমেন, বস্তিৰ গাঁওবুঢ়া আৰু এগৰাকী নাগালেণ্ড চৰকাৰৰ মহিলা দণ্ডাধীশ । মগ্ৰৈ গাঁৱত উপস্থিত হৈয়েই নগা দলটোৱে শ্মশান নিৰ্মাণত বাধা প্ৰদান কৰে ।
এই খবৰ লাভ কৰি মগ্ৰৈ গাঁৱৰ শতাধিক পুৰুষ মহিলা ওলাই আহি নগা দলটোক ঘেৰাও কৰাত নগা দলটোৱে মগ্ৰৈ গাঁৱৰপৰা ছত্ৰভংগ দিবলৈ বাধ্য হয় । উল্লেখ্য যে পূৰ্বেও অসমৰ মাটিত নগাই বিঅ’পি নিমাৰ্ণত বাধা দিছিল ।
