গুৱাহাটী, 5 জুলাই: নগাঁৱৰ ছাত্ৰনেতা কীৰ্তিকমল বৰাৰ এনকাউণ্টাৰ আছিল আৰক্ষীৰ ভুৱা এনকাউণ্টাৰ (Kirtikamal Bora victim of fake encounter)৷ আৰক্ষী বিষয়া প্ৰদীপ বণিয়াৰ বিৰুদ্ধেহে চাৰ্জশ্বীট দাখিল কৰিলে চিআইডিয়ে ৷ কীৰ্তিকমল বৰাক দোষমুক্ত ঘোষণা কৰিলে চিআইডিয়ে । এছ আই প্ৰদীপ বণিয়াই কীৰ্তিকমলৰ বিৰুদ্ধে তৰা গোচৰত চিআইডিয়ে দোষমুক্ত ঘোষণা কৰিলে কীৰ্তিকমলক । প্ৰদীপ বণিয়াৰ বিৰুদ্ধেহে চাৰ্জশ্বীট দাখিল কৰিলে চিআইডিয়ে (Fake encounter by Nagaon police)।
চিআইডিয়ে নগাঁৱৰ মুখ্য ন্যায়াধীশৰ আদালতত দাখিল কৰিলে চাৰ্জশ্বীট । প্ৰদীপ বণিয়াৰ গুলিত আহত হৈছিল ছাত্ৰনেতা বৰা ৷ চলিত বৰ্ষৰ ২২ জানুৱাৰীত নগাঁৱৰ কচলুখোৱাত আৰক্ষীৰ গুলিত আহত হৈছিল ছাত্ৰ নেতা কীৰ্তিকমল বৰা (Kirtikamal Bora encounter)। আৰক্ষীৰ গুলিত চিৰদিনৰ বাবে ঘূণীয়া হৈ পৰে ছাত্ৰনেতা বৰা । কীৰ্তিকমল বৰাৰ বিৰুদ্ধে আৰক্ষীয়ে ড্রাগছ সৰবৰাহৰ লগত জড়িত থকাৰ গোচৰ জাপি দিছিল । এনকাউণ্টাৰ ঘটনাৰ ছমাহৰ পিছত আৰক্ষীয়ে দাখিল কৰিলে চার্জশ্বীট ।
উল্লেখ্য যে, এই ঘটনা সংঘটিত হোৱাৰ পিছতে ৰাজ্যজুৰি বিতৰ্কৰ সৃষ্টি হৈছিল । সেই সময়ৰ নগাঁৱৰ আৰক্ষী অধীক্ষক আনন্দ মিশ্ৰ এই বিতৰ্কৰ মাজত সোমাই পৰিছিল (IPS Anand Mishra)। তেওঁক শাস্তিমূলকভাৱে বদলিও কৰা হৈছিল । অৱশেষত নিৰ্দোষী প্ৰমাণিত হ’ল কীৰ্তিকমল ৷
লগতে পঢ়ক : FIR against Kirtikamal Bora : কীৰ্তিকমল বৰাৰ বিৰুদ্ধে আৰক্ষীয়ে ৰুজু কৰিলে গোচৰ
