হোজাই,18 অক্টোবৰ : হোজাই জিলাৰ লংকাৰ ক্ৰীড়া সন্থাৰ খেলপথাৰত দেওবাৰে অনুষ্ঠিত হোৱা জিলা বিজেপি যুৱ মৰ্চাৰ প্ৰথমখন কাৰ্যনিৰ্বাহক সভাৰ বাইক শোভাযাত্ৰাত অঘটন ৷ সভালৈ অহা ৰাজ্যিক যুৱ মৰ্চাৰ সভাপতি অনুপ বৰ্মনক হোজাই জিলা যুৱ মৰ্চাৰ কৰ্মীসকলে জোৰ পুখুৰীৰ পৰা বাইক শোভাযাত্ৰাৰে আনি থকা অৱস্থাত সংঘটিত হয় এক অঘটন ।
শোভাযাত্ৰাটো লংকাৰ শীলবস্তি বাইপাছ পোৱাৰ লগে লগেই এজন মানসিক বিকাৰগস্ত যুৱকে যুৱ-মৰ্চাৰ কৰ্মীসকলক হাতত চোকা অস্ত্ৰৰে বাট আগচি ধৰে ৷ এই ঘটনাৰ পাচত যুৱ মৰ্চাৰ কৰ্মীসকলে মানসিক বিকাৰগস্ত যুৱকজনক মাৰপিট কৰে । ঘটনাস্থলীত আৰক্ষী উপস্থিত হৈ যুৱকজনৰ পৰিয়ালৰ সহযোগত যুৱকজনক লংকা প্ৰাথমিক স্বাস্থ্য় কেন্দ্ৰলৈ লৈ যায় যদিও পৰৱৰ্তী সময়ত যুৱকজনক নগাঁৱলৈ প্ৰেৰণ কৰা হয় । উক্ত কাৰ্যনিৰ্বাহক সভাত উপস্থিত থাকে ৰাজ্যিক বিজেপি যুৱ মৰ্চাৰ সভাপতি অনুপ বৰ্মন,বিজেপি ৰাজ্যিক উপ সভাপতি জয়ন্ত মল্লৱ বৰুৱা আৰু বিজেপিৰ বিভিন্ন ৰাজ্যিক পৰ্যায়ৰ নেতা-কৰ্মী ৷
লগতে পঢ়ক : ন কৈ সজোৱা হৈছে হাতীমূৰাৰ ইতিহাস বিজড়িত দুৰ্গা মন্দিৰ
