গোলাঘাট,28 অক্টোবৰ : স্বামীৰ অত্যাচাৰৰ বলি হোৱা এগৰাকী পত্নীয়ে বাচি ল’লে চৰম সিদ্ধান্ত । স্বামীৰ অত্যাচাৰ সহিব নোৱাৰি স্বামীক হত্যাৰ চেষ্টা । কুঠাৰ আৰু কোৰেৰে নৃশংসভাৱে আক্ৰমণ কৰিলে পত্নীয়ে । মঙলবাৰে এই ঘটনা সংঘটিত হৈছে গোলাঘাট জিলাৰ দেৰগাঁৱৰ যোগনীয়াৰ গাঁৱত ৷
প্ৰাপ্ত তথ্য অনুসৰি,দেৰগাঁৱৰ যোগনীয়াৰ মুনিন্দ্ৰ বৰা নামৰ ব্যক্তিজনে পত্নী ৰশ্মি ৰেখা বৰাৰ ওপৰত বহু দিনৰ পৰা চলাই আহিছিল অমানসিক অত্যাচাৰ । স্বামীয়ে নিজৰ ঘৰতে চলাই আহিছিল সুৰাৰ বেপাৰ ৷ এই ক্ষেত্ৰত মুনিন্দ্ৰৰ পত্নীয়ে বিৰোধিতা কৰাত পত্নীৰ ওপৰত নিতৌ অত্যাচাৰ চলাইছিল স্বামী মুনিন্দ্ৰই । অৱশেষত স্বামীৰ অত্যাচাৰ সহিব নোৱাৰি পত্নী ৰশ্মি ৰেখাই কোৰ আৰু কুঠাৰেৰে স্বামীক উপৰ্যুপৰি আক্ৰমণ কৰে ।
আক্ৰমণত মূৰত আঘাত পাই গুৰুতৰভাৱে আহত হয় স্বামী মুনিন্দ্ৰ । আহত স্বামী মুনিন্দ্ৰক সংকটজনক অৱস্থাত যোৰহাট চিকিৎসা মহাবিদ্যালয় হাস্পতালত ভৰ্তি কৰাই সম্প্ৰতি চিকিৎসা প্ৰদান কৰি থকা বুলি জানিব পৰা গৈছে । ইফালে অভিযুক্ত পত্নীক দেৰগাঁও আৰক্ষীয়ে গ্ৰেপ্তাৰ কৰি জামিন বিহীন ধাৰাত জেল হাজোতলৈ প্ৰেৰণ কৰিছে ।
লগতে পঢ়ক : গোলাঘাটত আৰক্ষীৰ অভিযানত ড্ৰাগছসহ গ্ৰেপ্তাৰ সৰবৰাহকাৰী
