সৰুপথাৰ,7 জুন: সৰুপথাৰৰ অসম-নাগালেণ্ড সীমান্ত(Assam-Nagaland border)ৰ উৰিয়ামঘাটৰ ২ নং মধুপুৰ গাঁৱৰ নবী হুছেইন নামৰ(৩৫) এজন ব্যক্তি বিগত ১৭ দিনে সন্ধানহীন হৈ আছে । পৰিয়ালৰ লোকে জানিব দিয়া মতে, বিগত ২০ মে'ত পত্নীৰ অসুখ হোৱাত দৰৱ আনিবলৈ বুলি AS 05 H 0321 নম্বৰৰ ক'লা বাজাজ ডিস্কভাৰ বাইকখন লৈ ওলাই গৈছিল ব্যক্তিজন ৷ কিন্তু এতিয়ালৈ লোকজন ঘৰলৈ উভতি নহাত পৰিয়ালৰ লগতে ওচৰ-চুবুৰীয়া চিন্তিত হৈ পৰিছে ।
নবী হুছেইনৰ নিৰুদ্দেশ সম্পৰ্কত পৰিয়ালৰ লোকে উৰিয়ামঘাট আৰক্ষী থানা(Uriamghat Police Station)ত এজাহাৰ দাখিল কৰিছে ৷ ইপিনে উৰিয়ামঘাট আৰক্ষী থানাৰ ভাৰপ্ৰাপ্ত বিষয়া নবীৰ সন্ধানত নামি পৰিছে যদিও বৰ্তমান পৰ্যন্ত কোনো সন্ধান পোৱা নাই লোকজনৰ ।
আনহাতে, লোকজন কোনোবা দুষ্ট চক্ৰৰ কবলত পৰিছে বুলি চিন্তিত হৈ পৰিছে পৰিয়ালবৰ্গ । যদি কোনো লোকে ব্য়ক্তিগৰাকীৰ কোনো সন্ধান পাই, তেন্তে 84739-14655 আৰু 87210-59164 নম্বৰত খবৰ দিবলৈ অনুৰোধ জনাইছে পৰিয়ালৰ লোকে ৷
